ആരാധകര്‍ക്ക് ഏറെ പ്രിയങ്കരിയാണ് നടി തപ്‌സി പന്നു. ഇപ്പോഴിതാ ചില ചിത്രങ്ങില്‍ നിന്ന് തന്നെ മാറ്റിയതിനെക്കുറിച്ച് സംസാരിക്കുകയാണ് തപ്‌സി. നായകന്‍ പറഞ്ഞതുകൊണ്ടു മാത്രം കാരണമൊന്നും അറിയിക്കാതെതന്നെ മാറ്റിയിട്ടുണ്ടെന്നാണ് തപ്‌സി പറയുന്നത്. നയന്‍ദീപ് രക്ഷിതിന് നല്‍കിയ അഭിമുഖത്തിലായിരുന്നു താരത്തിന്റെ വെളിപ്പെടുത്തല്‍.
‘എന്നെ സിനിമകളില്‍ നിന്നും മാറ്റിയിട്ടുണ്ട്. നായകന്‍ പറഞ്ഞതു കൊണ്ട് എന്നെ മാറ്റിയ സംഭവമുണ്ടായിട്ടുണ്ട്. ദൈവത്തിന് അറിയാം എന്താണ് കാരണമെന്ന്. ഞാന്‍ പല കാരണവും ചിന്തിച്ചു നോക്കി. അദ്ദേഹത്തിന് ഇന്‍സെക്യൂരിറ്റിയാകാമെന്നും, ഇഷ്ടപ്പെട്ടയാള്‍ക്ക് വേണ്ടിയാകാമെന്നുമൊക്കെ ഞാന്‍ ചിന്തിച്ചു. പക്ഷെ എനിക്കൊരു കാരണം വേണമെന്ന് പറഞ്ഞു. കാരണമൊന്നും പറഞ്ഞില്ല, അദ്ദേഹത്തിന് നിങ്ങള്‍ നായികയായി വേണ്ടെന്ന് മാത്രം പറഞ്ഞു’ തപ്‌സി പന്നു പറയുന്നു.
അതേസമയം ആ സംവിധായകനൊപ്പം പിന്നീട് താന്‍ സിനിമ ചെയ്തിട്ടുണ്ടെന്നും തപ്‌സി പറയുന്നു. തന്നെ മാറ്റുന്നതിനായി പറഞ്ഞ ഏറ്റവും മോശം കാരണവും താപ്‌സി പങ്കുവെക്കുന്നുണ്ട്. ‘കുറേ മുമ്പുണ്ടായ സംഭവമാണ്. നായകന്റെ ഭാര്യയ്ക്ക് നിങ്ങളെ ഇഷ്ടമായില്ലെന്നാണ് പറഞ്ഞത്. അവര്‍ എന്തുകൊണ്ടാണ് അങ്ങനെ പറഞ്ഞതെന്ന് എനിക്കറിയില്ല’ എന്നാണ് താപ്‌സി പറയുന്നത്. ഗാന്ധാരിയാണ് തപ്‌സിയുടേതായി ഒടുവില്‍ പുറത്തിറങ്ങിയ സിനിമ.
Comments