ഇന്ത്യന്‍ സിനിമയ്ക്ക് ഗുനീത് മോംഗയെ പ്രത്യേകം പരിചയപ്പെടുത്തേണ്ടതില്ല. ഗാംഗ്സ് ഓഫ് വാസേയ്‌പൂർ - പാർട്ട് 1, ഗാംഗ്സ് ഓഫ് വാസേയ്‌പൂർ - പാർട്ട് 2, പെഡ്‌ലേഴ്‌സ്, ദ ലഞ്ച്ബോക്സ്, മസാന്, സുബാൻ, പഗ്ലൈറ്റ് തുടങ്ങിയ ചിത്രങ്ങൾ നിർമ്മിച്ച ‘സിഖ്യ എന്റർടൈൻമെന്റ്’ എന്ന സ്ഥാപനത്തിന്റെ ഉടമയാണ് അവർ. മികച്ച ഡോക്യുമെന്ററി ഹ്രസ്വചിത്ര വിഭാഗത്തിൽ രണ്ട് തവണ അക്കാദമി അവാർഡ് (ഓസ്കാർ) നേടി ചരിത്രം കുറിച്ച ഇന്ത്യൻ നിർമ്മാതാവാണ് കൂടിയാണ് ഗുനീത് മോംഗ.
ഇപ്പോഴിതാ ഓസ്കാർ ജേതാവായ നിർമ്മാതാവ് ഗുനീത് മോംഗ കപൂറിനെ ഒരു പുതുമുഖമായി തെറ്റിദ്ധരിച്ച് ഒരു റിപ്പോർട്ടർ അഭിനന്ദിച്ചതാണ് സോഷ്യല്‍ മീഡിയയില്‍ നിറയുന്നത്. ആയുഷ്മാൻ ഖുറാനയ്ക്കും സാറ അലി ഖാനുമൊപ്പം മുംബൈയിൽ നടന്ന ‘ഉഡ്ത തീർ’ ട്രെയിലർ ലോഞ്ചിൽ പങ്കെടുക്കവെയാണ് ഈ സംഭവം കൗതുകകരമായ സംഭവം നടന്നത്. മോംഗയുടെ ആദ്യകാല പ്രോജക്റ്റുകളിൽ ഒന്നാണിതെന്ന് കരുതിയാണ് റിപ്പോർട്ടർ അവരെ അഭിനന്ദിച്ചത്. ഇത് കേട്ടയുടൻ, അടുത്തുതന്നെ ഇരുന്നിരുന്ന ഗുനീതും ആയുഷ്മാനും അമ്പരന്നുപോവുകയും പരസ്പരം ഞെട്ടലോടെ നോക്കുകയും ചെയ്തു. ഗുനീത് മോംഗയുടെ മുൻകാല നേട്ടങ്ങളെക്കുറിച്ചോ പ്രൊഫൈലിനെക്കുറിച്ചോ ആ റിപ്പോർട്ടർക്ക് യാതൊരു ധാരണയുമില്ലായിരുന്നു എന്നത് ചോദ്യങ്ങളില്‍ നിന്ന് വ്യക്തമാണ്.
‘‘ഇത് നിങ്ങളുടെ ആദ്യത്തെ, അല്ലെങ്കിൽ ആദ്യകാല പ്രോജക്റ്റുകളിൽ ഒന്നാണല്ലോ. അഭിനന്ദനങ്ങൾ...’’ എന്ന് റിപ്പോർട്ടർ മോംഗയോട് പറയുന്ന വീഡിയോ ദൃശ്യങ്ങളിൽ കാണാം.
ഈ ചോദ്യം കേട്ട് മോംഗയും ആയുഷ്മാൻ ഖുറാനയും ഒരുപോലെ അമ്പരന്നുപോയി. അതിശയത്തോടെ ‘ആദ്യത്തേതോ?’ എന്ന് ഗുനീത് ചോദിച്ച ഉടൻ തന്നെ, ‘ദ ലഞ്ച്ബോക്സ്’, ‘കിൽ’ തുടങ്ങിയ നിവരധി ചിത്രങ്ങള്‍ മോംഗ നിര്‍മ്മിച്ചിട്ടുണ്ട്...അതുകൊണ്ട് ഇതല്ല അവരുടെ ആദ്യ ചിത്രം...’ എന്ന് പറഞ്ഞ് മോംഗ ർമ്മിച്ച നിരവധി ചിത്രങ്ങളെക്കുറിച്ച് ആയുഷ്മാൻ എണ്ണിപ്പറയാൻ തുടങ്ങി. അവർക്ക് ഒരു ഓസ്കാർ പുരസ്കാരം പോലും ലഭിച്ചിട്ടുണ്ടെന്ന കാര്യവും താരം എടുത്തുപറഞ്ഞു.
പിന്നാലെ റിപ്പോർട്ടർക്ക് ഗംഭീരമായൊരു മറുപടി നൽകിക്കൊണ്ട് ഗുനീത് പറഞ്ഞത്, ‘‘ഞാൻ 35-ൽ അധികം ഫീച്ചർ ഫിലിമുകൾ ചെയ്തിട്ടുണ്ട്....’’ എന്നാണ് മോംഗ പറഞ്ഞത്.
‘അവർക്ക് ഓസ്കാർ പുരസ്കാരവും ലഭിച്ചിട്ടുണ്ട്...’എന്ന് ചടങ്ങിലുണ്ടായിരുന്ന മറ്റൊരാളും ചൂണ്ടിക്കാട്ടി. തുടര്‍ന്ന് സാറ അലി ഖാനും മോംഗയുടെ ‘ഓസ്കാര്‍’ വിജയത്തെക്കുറിച്ച് പല തവണ ആവര്‍ത്തിച്ചു പറഞ്ഞു.
അതോടെ ‘ക്ഷമിക്കണം. മാധ്യമപ്രവർത്തകർക്കും ചിലപ്പോൾ തെറ്റുകൾ പറ്റാറുണ്ട്. അത്തരമൊരു തെറ്റാണ് എനിക്കും സംഭവിച്ചത്. ‘ഉഡ്ത തീർ’ എന്ന ചിത്രത്തിലൂടെ സംവിധാനരംഗത്തേക്ക് അരങ്ങേറ്റം കുറിക്കുന്ന എഴുത്തുകാരനും സംവിധായകനുമായ ആകാശ് ജിയെ അഭിനന്ദിക്കാനാണ് ഞാൻ ആഗ്രഹിച്ചത്...’ എന്ന് റിപ്പോട്ടര്‍ വ്യക്തമാക്കി. ആയുഷ്മാന്‍ ഖുറാനയും സാറ അലി ഖാനുമടക്കം സിനിമയുടെ അണിയറപ്രവര്‍ത്തകരും ആ പ്രെസ് മീറ്റില്‍ പങ്കെടുത്തിരുന്നു.
ആയുഷ്മാൻ ഖുറാനയും സാറ അലി ഖാനും പ്രധാന വേഷങ്ങളിലെത്തുന്ന ‘ഉഡ്ത തീർ’ ഒരു സ്പൈ-കോമഡി ചിത്രമാണ്. ഇന്ത്യയിലെത്തിയ ശേഷം ഓർമ്മശക്തി നഷ്ടപ്പെടുകയും, താനൊരു ഇന്ത്യൻ ഉദ്യോഗസ്ഥനാണെന്ന് വിശ്വസിച്ചുതുടങ്ങുകയും ചെയ്യുന്ന ഒരു പാകിസ്ഥാൻ ഇന്റലിജൻസ് ഉദ്യോഗസ്ഥന്റെ കഥയാണ് ചിത്രം പറയുന്നത്. കൗശിക് ആണ് ഈ ചിത്രം രചിച്ച് സംവിധാനം ചെയ്യുന്നത്. കരൺ ജോഹർ, അദാർ പൂനവാല, അപൂർവ്വ മേത്ത, ഗുനീത് മോംഗ, അച്ചിൻ ജെയിൻ എന്നിവർ ചേർന്നാണ് ചിത്രം നിർമ്മിക്കുന്നത്. ഒക്ടോബർ 9-ന് ചിത്രം തിയേറ്ററുകളിൽ റിലീസ് ചെയ്യാനാണ് പദ്ധതി.
Comments