മലയാളത്തിന്റെ പ്രിയപ്പെട്ട താരങ്ങളില്‍ ഒരാളാണ് അനുശ്രീ. റിയാലിറ്റി ഷോയിലൂടെ സിനിമയിലെത്തിയ താരം ഡയമണ്ട് നെക്ലെസ് എന്ന ആദ്യസിനിമയിലൂടെ തന്നെ പ്രേക്ഷകരുടെ ഹൃദയം കീഴടക്കിയിരുന്നു. സിനിമയില്‍ അത്ര കണ്ട് സജീവമല്ലെങ്കിലും സോഷ്യല്‍ മീഡിയയില്‍ തിളങ്ങി നില്‍ക്കുന്ന താരം കൂടിയാണ് അനുശ്രീ. താരം പങ്കിടുന്ന ചിത്രങ്ങളെല്ലാം നിമിഷനേരം കൊണ്ട് തരംഗമായി മാറാറുമുണ്ട്.
ഇപ്പോഴിതാ ഓഫ് വൈറ്റ് സല്‍വാറില്‍ അതിസുന്ദരിയായ ചിത്രങ്ങള്‍ പങ്കിടുകയാണ് താരം. പിന്നിയിട്ട തലമുടിയില്‍ സൂര്യകാന്തി പൂവുകള്‍ വച്ച് ഒരു തമിഴ് പെണ്‍കൊടിയെപ്പോലെയാണ് അനുശ്രീ ചിത്രങ്ങളില്‍ തിളങ്ങുന്നത്.
‘‘ചിലപ്പോൾ, ഒരു മാറ്റത്തിനായി, ഓഫ്-വൈറ്റ് നിറത്തിൽ ഒരു ‘ഫെസ്റ്റിവ് ലുക്ക്’ (ഉത്സവാന്തരീക്ഷം നൽകുന്ന വേഷവിധാനം) പരീക്ഷിക്കാറുണ്ട്...’’ എന്ന ക്യാപ്ഷന്‍ നല്‍കിയാണ് താരം ചിത്രങ്ങള്‍ പങ്കിട്ടിരിക്കുന്നത്. പതിവുപോലെ താരത്തിന്റെ സൗന്ദര്യത്തെയും ഔട്ട്ഫിറ്റിനെയും പ്രശംസിച്ച് നിരവധി കമന്റുകള്‍ നിറയുന്നുണ്ട്. ‘കൂടുതല്‍ സുന്ദരിയായല്ലോ, ട്രഡീഷണല്‍ ലുക്കില്‍ ദേവകന്യകയെപ്പോലെ’ എന്നതടക്കമാണ് കമന്റുകള്‍.
Comments