പ്രഭുവിന്റെ മക്കൾ എന്ന സിനിമയിലൂടെ ബിഗ്സ്ക്രീനില്‍ അരങ്ങേറ്റം കുറിച്ച്, പിന്നീട് സഹതാരമായി മാറി, നായികനിരയിലേക്ക് ഉയര്‍ന്ന താരമാണ് ടൊവിനോ തോമസ്. ചുരുക്കം ചില സിനിമകളിലൂടെ തന്നെ മലയാളസിനിമയില്‍ തന്റേതായ സ്ഥാനം നേടിയെടുക്കാന്‍ ടൊവിനോയ്ക്ക് കഴിഞ്ഞു. ഒന്നും ഇല്ലായ്മയിൽ നിന്ന് വന്ന് ഇന്ന് മലയാള സിനിമയുടെ പേര് ഇന്റർനാഷണൽ ലെവലിൽ ഉയർത്തുന്നതിൽ പ്രധാന പങ്ക് വഹിച്ചുകൊണ്ടിരിയ്ക്കുന്ന നടന്മാരിൽ ഒരാളായി ടൊവിനോ മാറിക്കഴിഞ്ഞു. പാൻ ഇന്ത്യൻ താരം എന്ന വിശേഷണത്തിനപ്പുറം, മലയാള സിനിമയിൽ നിന്നുകൊണ്ടു തന്നെ, മലയാള സിനിമയിലൂടെ ഇന്റർനാഷണൽ അവാർഡ് നേടാന്‍ താരത്തിനു കഴിഞ്ഞു.
സിനിമയിലെന്ന പോലെ തന്നെ സോഷ്യല്‍ മീഡിയയിലും സജീവമായ താരം കൂടിയാണ് ടൊവിനോ. തന്റെ എല്ലാ വിശേഷങ്ങളും ചിത്രങ്ങളും മറ്റ് രസകരമായ പോസ്റ്റുകളും താരം അതിലൂടെ പങ്കിടാറുണ്ട്. താരം പങ്കിടുന്ന പോസ്റ്റുകള്‍ വളരെ വേഗത്തില്‍ ആരാധകര്‍ ഏറ്റെടുക്കാറുമുണ്ട്.
ഇപ്പോഴിതാ വെറൈറ്റിയായ ഒരു റീല്‍ വീഡിയോ പങ്കിടുകയാണ് താരം. ഒരു പൂര്‍ണ്ണചന്ദ്രനെ വിഴുങ്ങുന്നതു പോലെ തോന്നിപ്പിക്കുന്ന ഷോര്‍ട്ട് വീഡിയോയാണ് താരം പങ്കിട്ടിരിക്കുന്നത്. ക്ലോസ് അപ്പ് ഷോട്ടിലുള്ള വീഡിയോയില്‍ ഒരു പൂര്‍ണ്ണചന്ദ്രനെ വിഴുങ്ങുന്നതും അതിനു ശേഷം ക്യാമറയിലേക്ക് നോക്കി ചിരിക്കുന്നതുമായ താരത്തെ കാണാം.
‘‘ഒരു ഫുള്‍ മൂണ്‍...’’ എന്ന ക്യാപ്ഷന്‍ നല്‍കിയാണ് താരം വീഡിയോ പങ്കിട്ടിരിക്കുന്നത്. താരത്തിന്റെ ഷോട്ട് വീഡിയോയ്ക്ക് താഴെ നിരവധി രസകരമായ കമന്റുകളും നിറയുന്നുണ്ട്. ‘ചാത്തന് പിന്നെ എന്തുമാവാല്ലോ, അല്ലെങ്കിലേ ഫുള്‍ പവര്‍കട്ടാണ് അതിന്റെ ഇടയില്‍, ഇരിങ്ങാലക്കുടയിൽ ഇരുട്ട് ആയി, വെറുതെ അല്ല ഇപ്പോ ആകാശത്ത് കാണാറില്ല, ബേസിലിന്റെ കമന്റ് മിസ് ചെയ്യുന്നു...’ എന്നതടക്കമാണ് കമന്റുകള്‍.
Comments