ഓഗ്‌സ്ബര്‍ഗ്: യുര്‍ഗന്‍ ക്‌ളോപ്പിന് കീഴില്‍ ജര്‍മ്മനിക്ക് ആദ്യവിജയം കുറിക്കാന്‍ ഇനിയും കാത്തിരിക്കണം. ഇന്നലെ നടന്ന മത്സരത്തില്‍ ഗ്രീസിനോട് ഒരു ഗോളിന് ജര്‍മ്മനി വീണു. കളിയുടെ 74 ാം മിനിറ്റില്‍ കോര്‍ബലീസിന്റെ ഗോളിലായിരുന്നു ഗ്രീസിന്റെ വിജയം. വ്യാഴാഴ്ച നടന്ന മത്സരത്തില്‍ നെതര്‍ലണ്ട്‌സുമായി ജര്‍മ്മനി 1-1 സമനിലയില്‍ പെട്ടിരുന്നു.
ബോക്‌സിന്റെ അതിര്‍ത്തിയില്‍ നിന്ന് ദിമിത്രിയോസ് കൗര്‍ബെലിസ് തൊടുത്ത ഷോട്ട് ജോഷ്വ കിമ്മിചില്‍ തട്ടി വലയിലെത്തിയതോടെ, 74-ാം മിനിറ്റില്‍ ഗ്രീസ് വിജയഗോള്‍ നേടി. ലോക റാങ്കിംഗില്‍ 41-ാം സ്ഥാനത്തുള്ള ഗ്രീസ്, ഞായറാഴ്ച രാത്രിക്ക് മുന്‍പ് ജര്‍മ്മനിയുമായി ഏറ്റുമുട്ടിയ 10 മത്സരങ്ങളിലും ഒരിക്കല്‍ പോലും വിജയിച്ചിരുന്നില്ല. ഏഴു തോല്‍വിയും മൂന്ന് സമനിലയുമാണ് ഇവരുടെ സമ്പാദ്യം.
ലോകകപ്പില്‍ പരാഗ്വേയോടുള്ള ഞെട്ടിക്കുന്ന തോല്‍വിയെത്തുടര്‍ന്ന് ജൂലിയന്‍ നാഗെല്‍സ്മാന്‍ രാജി വെച്ച ഒഴിവിലാണ്, 59 കാരനായ ക്ലോപ്പ് ജൂലൈയില്‍ നാല് വര്‍ഷത്തെ കരാറില്‍ ജര്‍മ്മനിയുടെ ചുമതലയേറ്റത്. ഈ വേനല്‍ക്കാല ലോകകപ്പിലെ രണ്ടാം ഗ്രൂപ്പ് മത്സരത്തില്‍ ഐവറി കോസ്റ്റിനെ തോല്‍പ്പിച്ചതിന് ശേഷം ടീം ഇതുവരെ വിജയം കണ്ടിട്ടില്ല.
വ്യാഴാഴ്ച സെര്‍ബിയയെ തോല്‍പ്പിച്ച ഗ്രീസ്, ജര്‍മ്മനിക്കെതിരായ ഈ വിജയത്തോടെ നേഷന്‍സ് ലീഗ് ഗ്രൂപ്പ് 2-ല്‍ വീണ്ടും ഒന്നാം സ്ഥാനത്തെത്തി. ലോക റാങ്കിംഗില്‍ 12-ാം സ്ഥാനത്തുള്ള ജര്‍മ്മനിയെ തോല്‍പ്പിച്ചതിലൂടെ, 2024-ല്‍ വെംബ്ലിയില്‍ വെച്ച് നാലാം സ്ഥാനത്തുള്ള ഇംഗ്ലണ്ടിനെ തോല്‍പ്പിച്ചതിന് ശേഷമുള്ള അവരുടെ ഏറ്റവും വലിയ റാങ്കിംഗ് വിജയം കൂടിയാണിത്.
Comments