തിരുവനന്തപുരം : ഇഞ്ചോടിഞ്ച് പോരാട്ടം നടന്ന സംസ്ഥാനത്തെ തദ്ദേശ ഉപതെരഞ്ഞെടുപ്പില്‍ ഒരു സീറ്റുമായി എന്‍ഡിഎ. പുതൃക്കയില്‍ ജയം നേടിയ ട്വന്റിട്വന്റി സ്ഥാനാര്‍ത്ഥി ദീനാമ്മ ജേക്കബിന്റെ വിജയമാണ് എന്‍ഡിഎയ്ക്ക് ആകെ ആശ്വാസമായത്. എല്‍ഡിഎഫ് 18 സീറ്റിലും യുഡിഎഫ് 19 സീറ്റിലും മികവ് കാട്ടിയപ്പോഴാണ് എന്‍ഡിഎയുടെ നേട്ടം കുറഞ്ഞുപോയത്. 38 ഇടങ്ങളിലായി 126 പേരായിരുന്നു മത്സരിച്ചത്.
സമ്മിശ്ര രാഷ്ട്രീയപ്രതികരണം വരുന്നതായിരുന്നു തെരഞ്ഞെടുപ്പ് ഫലം. കോണ്‍ഗ്രസിനെ വിവാദത്തിലാക്കിയ ചിറയിന്‍കീഴില്‍ യുഡിഎഫിന് തിരിച്ചടികിട്ടി. അഞ്ചുതെങ്ങില്‍ എല്‍ഡിഎഫ് സ്ഥാനാര്‍ഥി എസ്.ബിജിമോള്‍ ജയിച്ചു. വര്‍ക്കല ഒറ്റൂരില്‍ എല്‍ഡിഎഫിലെ പി.ബീനയാണ് വിജയിച്ചത്. തിരുപുരത്തെ പഴതക്കടയില്‍ യുഡിഎഫിലെ സി.എസ്.സുനിലിനും ജയം നേടാനായി. അതേസമയം മംഗലപുരം മുണ്ടയ്ക്കലില്‍ എല്‍ഡിഎഫിലെ രമ്യ വി.തുളസി ജയിച്ചു. കല്ലറ ഡിവിഷനില്‍ യുഡിഎഫിലെ അമി തിലക് ജയിച്ചു.
ഇടുക്കി മുട്ടം തുടങ്ങനാട്ടില്‍ യുഡിഎഫിലെ എല്‍സമ്മ ടോം എടേട്ട് വിജയിച്ചു. എറണാകുളം അയ്യപ്പന്‍കാവില്‍ യുഡിഎഫിലെ എ.കെ.അജിത്കുമാ റാണ് വിജയിച്ചത്. വടക്കേക്കര മടപ്ലാതുരുത്ത് ഈസ്റ്റില്‍ യുഡിഎഫിലെ ജോസ് കുനയത്തോടത്ത് വിജയിച്ചു.
തൃശൂര്‍ വടക്കാഞ്ചേരി തളിയല്‍ യുഡിഎഫ് സ്വതന്ത്രനായ രവീന്ദ്രന്‍ വിജയിച്ചു. വെങ്ങല്ലൂര്‍ എടത്തിരിഞ്ഞിയില്‍ എല്‍ഡിഎഫിലെ വി.ആര്‍. രമേശ് വിജയിച്ചു. ചേലക്കര കുരുമല കിഴക്കുംമുറിയില്‍ യുഡിഎഫിലെ രജിത നെച്ചിക്കോട്ടിയാണു ജയിച്ചത്. തളിക്കുളം ആര്യംപാടത്ത് എല്‍ഡിഎഫിലെ വിജി കൃഷ്ണഘോഷ് ജയിച്ചു. പാലക്കാട് മലമ്പുഴ ഹേബാംബിക നഗറില്‍ എല്‍ഡിഎഫിലെ എം.തൗഷിക വിജയിച്ചു.
ആലത്തൂര്‍ അത്തിപ്പോട്ടയില്‍ എല്‍ഡിഎഫിലെ രേഖ സന്തോഷാണ് ജയിച്ചത്. പല്ലശനിയില്‍ എല്‍ഡിഎഫിലെ വി.പൊന്നുക്കുട്ടന്‍ ജയിച്ചു. പട്ടഞ്ചേരി പറക്കാട്ടുചാലയില്‍ എല്‍ഡിഎഫ് സ്വതന്ത്രയായ ബിന്ദുകുമാരി വിജയിച്ചു. കോഴിക്കോട് കുറ്റിച്ചിറ കോര്‍പറേഷന്‍ ഡിവിഷനില്‍ യുഡിഎഫിലെ ഫര്‍സീന വിജയിച്ചു. മലപ്പുറം മങ്കട കടന്നമണ്ണയില്‍ സ്വതന്ത്രനായ പാത്തുട്ടി അബ്ദുള്‍ റഹിമാനാണ് ജയിച്ചത്. തണലൂര്‍ മൂലയ്ക്കലില്‍ യുഡിഎഫിലെ ബുഷ്റ ടീച്ചര്‍ വിജയിച്ചു. വേങ്ങര പൂങ്കുടയയില്‍ യുഡിഎഫിലെ കെ.പി.ഹസീന ഫസലും കാലടി വേരൂരില്‍ എല്‍ഡിഎഫിലെ അഭിലാഷും ജയിച്ചു. വയനാട് മാനന്തവാടി പള്ളിക്കലില്‍ യുഡിഎഫിലെ ലീലാ ഗോവിന്ദന്‍ ജയിച്ചു. കാസര്‍കോട് പീലിക്കോട് എല്‍ഡിഎഫിലെ ടി.ഓമനയും ജയം നേടി.
Comments