‘അന്ന് നീ എനിക്ക് കാവൽ, ഇന്ന് ഞാൻ നിനക്ക് കാവൽ’; പ്രിയപ്പെട്ട വളര്‍ത്തുനായ ജൂലിയുടെ ചി​‍ത്രവുമായി നടി അനുശ്രീ

ഡയമണ്ട് നെക്ലേസ് എന്ന ചിത്രത്തിലൂടെ മലയാളി പ്രേക്ഷകരുടെ മനസ്സ് കീഴടക്കിയ താരമാണ് അനുശ്രീ. റിയാലിറ്റി ഷോയിലൂടെ സിനിമയിലെത്തിയ താരം പിന്നീട് നായികയായും സഹനടിയായുമൊക്കെ തിളങ്ങി. സിനിമയ്ക്കൊപ്പം സോഷ്യൽ മീഡിയയിലും സജീവമാണ് താരം.

, അടുത്തിടെയായിരുന്നു അനുശ്രീയുടെ പ്രിയപ്പെട്ട വളർത്തുനായ ജൂലിയുടെ വിയോഗം. ഒരു കുടുംബാംഗത്തെപ്പോലെ കൂടെയുണ്ടായിരുന്ന ജൂലിയുടെ വിയോഗം നടിയെ ഏറെ വേദനിപ്പിച്ചിരുന്നു. വളർത്തുനായയുടെ വേർപാടിന്റെ ഒരു മാസം തികയുന്ന വേളയിൽ അനുശ്രീ സമൂഹമാധ്യമങ്ങളിൽ പങ്കുവെച്ച വൈകാരികമായ കുറിപ്പും ചിത്രങ്ങളും ആരാധകരുടെ കണ്ണ് നിറച്ചിരുന്നു.

ഇപ്പോഴിതാ, ജൂലിയുടെ ഓർമ്മകളില്‍ താരം പങ്കുവെച്ച പുതിയ ചിത്രമാണ് ആരാധകരുടെ ശ്രദ്ധ നേടുന്നത്. ജൂലിയുടെ ഫ്രെയിം ചെയ്ത ചിത്രത്തിന് അരികിൽ താൻ നിൽക്കുന്ന ഒരു ചിത്രമാണ് അനുശ്രീ പങ്കിട്ടിരിക്കുന്നത്. "അന്ന് നീ എനിക്ക് കാവൽ, ഇന്ന് ഞാൻ നിനക്ക് കാവൽ" എന്ന അനുശ്രീയുടെ ഹൃദയസ്പർശിയായ വരികൾ സമൂഹമാധ്യമങ്ങളിൽ വളരെയധികം ശ്രദ്ധനേടിക്കഴിഞ്ഞു.