ന്യൂഡൽഹി: തെരഞ്ഞെടുപ്പ് കമ്മീഷനെതിരെയും എ‌സ്‌ഐ‌ആറുമായി ബന്ധപ്പെട്ട വിവാദത്തിലും ശക്തമായ നിലപാട് സ്വീകരിച്ച് ഇന്ത്യ മുന്നണി. വിഷയത്തിൽ ഒത്തൊരുമിച്ച് പ്രതിപക്ഷ പ്രതിഷേധം സംഘടിപ്പിക്കുന്നതിന്റെ ഭാഗമായി, ഒക്ടോബർ 2 മുതൽ 8 വരെ ഒരാഴ്ച നീണ്ടുനിൽക്കുന്ന ജില്ലാതല 'സേവ് ഡെമോക്രസി മാർച്ച്' മുന്നണി പ്രഖ്യാപിച്ചു.
തിരഞ്ഞെടുപ്പ് കമ്മീഷനിലെ രണ്ടോ മൂന്നോ വ്യക്തികൾ വെറും കരുക്കൾ മാത്രമാണ്, അതേസമയം അമിത് ഷായും മോഡിയും അവരെ പാവകളെപ്പോലെ നിയന്ത്രിക്കുകയാണെന്ന് യോഗത്തിന് ശേഷം തിരഞ്ഞെടുപ്പ് കമ്മീഷനിലെ രാഷ്ട്രീയ ഇടപെടലുകൾ ആരോപിച്ച് ഖാർഗെ പറഞ്ഞു. പോരാട്ടം ഒറ്റക്കെട്ടായി നയിക്കുമെന്ന് എല്ലാ കക്ഷികളും വ്യക്തമാക്കിയതായും അദ്ദേഹം പറഞ്ഞു.
ന്യൂഡൽഹിയിലെ കോൺസ്റ്റിറ്റ്യൂഷൻ ക്ലബ്ബിൽ ഇന്ത്യ മുന്നണി നേതാക്കൾ യോഗം ചേർന്ന് വിഷയത്തിൽ "ഒറ്റക്കെട്ടായ പോരാട്ടം" എങ്ങനെ നടത്തണമെന്ന് ചർച്ച ചെയ്ത ശേഷമാണ് ഈ തീരുമാനം എടുത്തതെന്ന് കോൺഗ്രസ് അധ്യക്ഷൻ മല്ലികാർജുൻ ഖാർഗെ പറഞ്ഞു. ഈ മാർച്ചുകളിൽ ഇന്ത്യ മുന്നണിയിലെ കക്ഷികളും സമാനചിന്താഗതിക്കാരും ജില്ലാ മജിസ്‌ട്രേറ്റുമാരുടെ ഓഫീസുകൾക്ക് മുന്നിൽ അണിനിരക്കുമെന്ന് അദ്ദേഹം വ്യക്തമാക്കി.
ഒക്ടോബർ 6-ന് എല്ലാ പ്രതിപക്ഷ എം.പിമാരും തിരഞ്ഞെടുപ്പ് കമ്മീഷനിലേക്ക് മാർച്ച് ചെയ്യുമെന്നും ഖാർഗെ അറിയിച്ചു. നേരത്തെ മാർച്ച് നടത്താൻ ഉദ്ദേശിച്ചിരുന്നെങ്കിലും കൂടുതൽ എം.പിമാർ ഒപ്പുവെക്കാനായി കാത്തിരിക്കാൻ തീരുമാനിക്കുകയായിരുന്നു. ഒക്ടോബർ രണ്ടാം വരാം പ്രതിപക്ഷ എംപിമാർ. രാഷ്ട്രപതിയെ കാണാൻ സമയം തേടും.
Comments