കോപ്പന്‍ഹേഗന്‍: പരിശീലകന്‍ ജോര്‍ജ് ജെസ്യൂസുമായുള്ള തര്‍ക്കത്തെത്തുടര്‍ന്ന് ഫുട്‌ബോളിലെ സൂപ്പര്‍താരം ക്രിസ്റ്റ്യാനോ റൊണാള്‍ഡോ കോപ്പന്‍ ഹേഗനിലെ പോര്‍ച്ചുഗലിന്റെ പരിശീലന ക്യാമ്പ് വിട്ടു. പോര്‍ച്ചുഗീസ് ഫുട്‌ബോള്‍ ഫെഡറേഷന്‍ പ്രസിഡന്റുമായുള്ള ചര്‍ച്ചകള്‍ക്ക് ശേഷമാണ് റൊണാ ള്‍ഡോ ക്യാമ്പ് വിട്ടത്. പോര്‍ചുഗല്‍ ടീമുമായി കരാര്‍ അവസാനിപ്പിക്കുകയാണെന്നും അവസരം വരുമ്പോള്‍ എല്ലാം പോര്‍ച്ചുഗീസുകാരോട് തുറന്നു പറയുമെന്നും താരം പറഞ്ഞു.
വിരമിക്കല്‍ അഭ്യൂഹങ്ങളും ഇതോടെ ചൂടുപിടിച്ചു. യുവേഫാ നേഷന്‍സ് ലീഗില്‍ ഡെന്മാര്‍ക്കിനെതിരേയുള്ള മത്സരത്തില്‍ കോപ്പന്‍ഹേഗനില്‍ പരിശീലനത്തിലാണ് ടീം. പരിശീലനക്യാമ്പില്‍ നിന്ന് ക്യാപ്റ്റന്‍ പുറത്തുപോയത് വലിയ ആശയക്കുഴപ്പങ്ങള്‍ക്കാണ് വഴിവെച്ചിരിക്കുന്നത്. പോര്‍ച്ചു ഗീസ് ഫുട്‌ബോള്‍ ഫെഡറേഷന്‍ പ്രസിഡന്റ് പെഡ്രോ പ്രോന്‍കെയുമായി സംസാരിച്ച ശേഷമാണ് തീരുമാനമെടുത്തതെന്ന് സോഷ്യല്‍മീഡിയ യിലൂടെ റൊണാള്‍ഡോ വ്യക്തമാക്കി. യാതൊരു വ്യത്യാസവുമില്ലാതെ പോര്‍ച്ചുഗലിനും തന്റെ എല്ലാ സഹതാരങ്ങള്‍ക്കും വിജയം ആശംസിക്കുന്ന തായും സാമൂഹ്യമാധ്യമ കുറിപ്പിലൂടെ പറഞ്ഞു.
പോര്‍ച്ചുഗീസ് മാധ്യമങ്ങളുടെ റിപ്പോര്‍ട്ടുകള്‍ പ്രകാരം, നോര്‍വേക്കെതിരെ പോര്‍ച്ചുഗലിന്റെ മത്സരം മുതല്‍ സൂപ്പര്‍താരവും പരിശീലകനും തമ്മിലുള് പ്രശ്‌നം തുടങ്ങി. വെയ്ല്‍സിനെതിരേ ആദ്യ മത്സത്തില്‍ വിജയം നേടിയ ടീമില്‍ ആദ്യ ഇലവനില്‍ ഉണ്ടായിരുന്ന ക്രിസ്ത്യാനോയെ അടുത്ത മത്സര ത്തില്‍ നോര്‍വേയ്ക്ക് എതിരേ പരിശീലകന്‍ കളത്തിലിറക്കിയില്ല. റൊണാള്‍ഡോ പകരക്കാരുടെ നിരയിലായിരുന്നു. രണ്ടാം പകുതി പരിശീലനം നടത്തി യെങ്കിലും താരത്തെ കളത്തിലിറക്കിയില്ല. മുഴുവന്‍ സമയവും റൊണാള്‍ഡോ ബെഞ്ചില്‍ തന്നെ ഇരിക്കേണ്ടി വന്നു.
മുന്നേറ്റത്തില്‍ മികച്ച രീതിയില്‍ കളിച്ച ഗോണ്‍സാലോ റാമോസിന്റെ ഗോളില്‍ 2-1 ന് പോര്‍ചുഗല്‍ ജയിക്കുകയും ചെയ്തു. മത്സരശേഷം ആരാധകരെ അഭിവാദ്യം ചെയ്യാന്‍ ടീമിനൊപ്പം ചേരുന്നതിന് പകരം, കളത്തിലെ നിരാശ മറച്ചുവെച്ച് റൊണാള്‍ഡോ നേരെ ടണലിലേക്ക് നടന്നുനീങ്ങു കയായിരുന്നു. അതേസമയം ക്രിസ്റ്റ്യാനോയും മറ്റ് കളിക്കാരെപ്പോലെ ഒരാള്‍ മാത്രമാണ്. ഭൂതകാലത്തിന് പ്രസക്തിയില്ലെന്നും ഇപ്പോഴത്തെ പ്രകടനമാണ് പ്രധാനം നന്നായി കളിച്ചാല്‍ അവന്‍ കളിക്കും. അല്ലെങ്കില്‍ കളിക്കില്ല. ഇതാണ് പരിശീലകന്റെ നിലപാട്.
റൊണാള്‍ഡോ സാധാരണ ഗ്രൂപ്പ് പരിശീലനത്തില്‍ പങ്കെടുക്കാതെ ജിം വര്‍ക്കുകളില്‍ മാത്രം ഒതുങ്ങിയതും ക്യാപ്റ്റനും കോച്ചും തമ്മിലുള്ള തര്‍ക്കം കൂട്ടി. ഇതോടെ, പോര്‍ച്ചുഗീസ് ഫുട്‌ബോള്‍ ഫെഡറേഷന്‍ പ്രസിഡന്റ് പെഡ്രോ പ്രോന്‍കെ സ്‌കാന്‍ഡിനേവിയയി ലേക്ക് യാത്ര ചെയ്യുകയും റൊണാള്‍ഡോയുമായും ജോര്‍ജ് ജെസ്യൂസുമായും അടിയന്തര കൂടിക്കാഴ്ച നടത്തുകയും ചെയ്തു.
വരാനിരിക്കുന്ന ഡെന്‍മാര്‍ക്കിനെതിരായ മത്സരത്തിന് മുന്നോടിയായി സ്റ്റാര്‍ട്ടിങ് ലൈനപ്പില്‍ ജസ്യൂസ് റൊണാള്‍ഡോയെ ഒഴിവാക്കിയിരുന്നു. ഇതും താരത്തെ ചൊടിപ്പിച്ചിട്ടുണ്ട്. ഇക്കാര്യം വാര്‍ത്താസമ്മേളനത്തിലും കോച്ച് ആവര്‍ത്തിച്ചു. ഈ പരസ്യ നിലപാടും സംഘര്‍ഷത്തിന് കാരണമായി. ഈ സാഹചര്യം ഈ രീതിയില്‍ കൈകാര്യം ചെയ്ത തില്‍ റൊണാള്‍ഡോ അസംതൃപ്തനായിരുന്നു.
തൊട്ടുപിന്നാലെ, റൊണാള്‍ഡോ ദേശീയ ടീം ക്യാമ്പ് വിടുകയാണെന്ന് പ്രഖ്യാപിക്കുകയും സഹതാരങ്ങള്‍ക്ക് വിജയം ആശംസിക്കുകയും ചെയ്തു. ഇത് ദേശീയ ടീമുമായുള്ള അദ്ദേഹത്തിന്റെ ഭാവി വലിയ അനിശ്ചിതത്വത്തിലാക്കിയിരിക്കുകയാണ്. റൊണാള്‍ഡോയുടെ ഈ പടിയിറക്കം ടീമുമായുള്ള ബന്ധം തകരുന്നതിലേക്കോ അല്ലെങ്കില്‍ അന്താരാഷ്ട്ര ഫുട്‌ബോളില്‍ നിന്നുള്ള വിരമിക്കലിലേക്കോ നയിക്കുമോ എന്ന ആശങ്കയിലാണ് ആരാധകര്‍.
Comments