തിരുവനന്തപുരം: രാജി വ്യക്തിപരമായ ചില അസൗര്യങ്ങള്‍ കൊണ്ടാണ് ശ്രീലേഖ രാജി വെയ്ക്കുന്നതെന്ന് തിരുവനന്തപുരം മേയര്‍ വി.വി. രാജേഷ്. അസൗകര്യങ്ങള്‍ സൂചിപ്പിച്ച് തനിക്ക് കത്ത് കിട്ടിയിരുന്നതായും കത്ത് കൊടുക്കേണ്ടത് നഗരസഭാസെക്രട്ടറിക്കാണെന്നും പറഞ്ഞു.
അതേസമയം മറ്റ് രാഷ്ട്രീയപാര്‍ട്ടികളുടെ സമ്മര്‍ദ്ദം ഉള്ളതായി തോന്നുന്നില്ല. വക്തിപരമായ അസൗകര്യങ്ങള്‍ വീഴ്ചയല്ലല്ലോ എന്നും പറഞ്ഞിരുന്നു. ശ്രീലേഖ തിങ്കളാഴ്ച രാജിക്കത്ത് കളക്ടര്‍ക്ക് നല്‍കുമെന്നാണ് പറഞ്ഞിരിക്കുന്നത്. അതിനിടയില്‍ അനുനയിപ്പിക്കാന്‍ ശ്രമം നടക്കുന്നുണ്ടെന്നും സൂചനയുണ്ട്. ശ്രീലേഖയുടെ രാജി ബിജെപിയ്ക്ക് തിരിച്ചടിയാണ്. വ്യക്തിപരമായ അൗകര്യമെന്നാണ് കാരണമായി ശ്രീലേഖ പറഞ്ഞിരിക്കുന്നത്.
അതേസമയം നേരത്തേ വാര്‍ഡിന്റെ വാട്‌സാപ്പ് ഗ്രൂപ്പില്‍ താന്‍ 30 ാം തീയതി രാജി വെയ്ക്കുമെന്ന് കാണിച്ച് ശ്രീലേഖയുടെ സന്ദേശം വന്നിരുന്നു. 30 ാം തീയതി താന്‍ രാജിക്കത്ത് സമര്‍പ്പിക്കുമെന്നും. കളക്ടര്‍ക്ക് തിങ്കളാഴ്ച രാജിക്കത്ത് കൈമാറുമെന്നും അതില്‍ പറഞ്ഞിരുന്നു. പല കൗണ്‍സിലര്‍മാരും ശ്രീലേഖയുടെ രാജിവാര്‍ത്ത കേട്ടത് ഞെട്ടലിലൂടെയാണ്. മാധ്യമങ്ങളിലൂടെയാണ് വാര്‍ത്തയറിഞ്ഞതെന്നാണ് ആശാനാഥും പ്രതികരിച്ചത്.
നഗരസഭാ കൗണ്‍സിലര്‍ രാജി വെയ്ക്കുമ്പോള്‍ കത്ത് നല്‍കേണ്ടത് സെക്രട്ടറിക്കാണ്. ഇവിടെ കത്ത് നല്‍കിയിരിക്കുന്നത് മേയര്‍ക്കാണ്. അതുകൊണ്ടു തന്നെ സമ്മര്‍ദ്ദതന്ത്രമാണോ എന്ന് സംശയിക്കുന്നുണ്ട്. ബിജെപി സംസ്ഥാന അദ്ധ്യക്ഷന് ഇപ്പോള്‍ കേരളത്തില്‍ ഇല്ല. അദ്ദേഹം നാട്ടില്‍ എത്തിയാല്‍ ഉടന്‍ ഇക്കാര്യത്തില്‍ ശ്രീലേഖയുമായി ചര്‍ച്ചകള്‍ നടന്നേക്കുമെന്നാണ് വിവരം. രാജിക്കത്ത് കിട്ടിയിട്ടില്ലെന്ന് കരമന ജയനും പ്രതികരിച്ചു.
Comments