ഭര്‍ത്താവിന് ജന്മദിനാശംസകള്‍ നേര്‍ന്ന് സോഷ്യല്‍ മീഡിയയില്‍ കുറിപ്പ് പങ്കുവെച്ച് നടിയും നിര്‍മ്മാതവുമായ സാന്ദ്ര തോമസ്.
'' സ്വര്‍ഗ്ഗം എന്റെ ജീവിതത്തിലേക്ക് അയച്ച മാലാഖയ്ക്ക് ജന്മദിനാശംസകള്‍. സന്തോഷം പരത്താനാണ് നിങ്ങള്‍ ഈ ഭൂമിയിലേക്ക് വന്നത്; സമാധാനത്തിന്റെയും നിരുപാധികമായ സ്‌നേഹത്തിന്റെയും യഥാര്‍ത്ഥ അര്‍ത്ഥം എനിക്ക് പകര്‍ന്നുതരാനാണ് നിങ്ങള്‍ എന്റെ ജീവിതത്തിലേക്ക് കടന്നുവന്നത്.
നിങ്ങള്‍ക്ക് ചുറ്റുമുള്ളവര്‍ക്ക് നിങ്ങള്‍ നല്‍കുന്ന സ്‌നേഹം അതേ അളവില്‍ ജീവിതം നിങ്ങള്‍ക്കും തിരികെ നല്‍കട്ടെ. നിങ്ങള്‍ എന്റെ അനുഗ്രഹമാണ്, എന്റെ സമാധാനമാണ്, എന്റെ വീടാണ്. ജന്മദിനാശംസകള്‍, എന്റെ പ്രണയത്തിന് ജന്മദിനാശംസകള്‍'', എന്നാണ് സാന്ദ്ര കുറിച്ചത്.
ബിസിനസ്സ്മാന്‍ ആയ വില്‍സണ്‍ ജോണ്‍ ആണ് സാന്ദ്രയുടെ ഭര്‍ത്താവ്. രണ്ട് ഇരട്ടക്കുഞ്ഞുങ്ങളാണ് ഇവര്‍ക്കുളളത്. തങ്കം , കൊലുസ് എന്നീ പേരുകളില്‍ അറിയപ്പെടുന്ന കുഞ്ഞുങ്ങളുടെ വിശേഷങ്ങള്‍ സാന്ദ്ര സോഷ്യല്‍ മീഡിയയിലൂടെ പങ്കുവെക്കാറുണ്ട്.
നെറ്റിപ്പട്ടം, മിമിക്‌സ് പരേഡ്, ചെപ്പു കിലുക്കണ ചങ്ങാതി എന്നീ ചിത്രങ്ങളിലൂടെ ബാലതാരമായിട്ടായിരുന്നു സാന്ദ്ര സിനിമയില്‍ അരങ്ങേറ്റം കുറിച്ചത്. വളരെ കുറഞ്ഞ സമയം കൊണ്ടാണ് നടിയായും നിര്‍മാതാവായും മലയാള സിനിമയില്‍ സാന്ദ്ര ചുവടുറപ്പിച്ചത്.
Comments