ലേഖ അംബുജാക്ഷന്റെ വിയോഗത്തില്‍ ദു:ഖം രേഖപ്പെടുത്തി നടി സീമ ജി നായര്‍. ലേഖയുടെ വിയോഗം താങ്ങാന്‍ അവരുടെ കുടുംബത്തിന് ശക്തിയുണ്ടാകട്ടെ എന്ന പ്രാര്‍ഥനകളോടെയായിരുന്നു സീമയുടെ കുറിപ്പ്.
സീമ ജി നായരുടെ വാക്കുകളിലേക്ക്: ലേഖ അമ്പുജാക്ഷൻ വിടവാങ്ങി. .കഴിഞ്ഞ കുറെ നാളുകളായി ഞാൻ ലേഖയുടെയും ഭർത്താവിന്റെയും റീലുകളും പോസ്റ്റുകളും കാണുന്നുണ്ടായിരുന്നു, കുറച്ച് നാളുകൾക്കു മുന്നേ അമ്പുജാക്ഷനെ ഞാൻ വിളിച്ചിരുന്നു. .ജീവിതത്തിൽ നല്ലൊരു പാർട്ണർ ഉണ്ടാവുക എന്നത് എല്ലാവർക്കും കിട്ടുന്ന ഭാഗ്യം അല്ല. .അപൂർവങ്ങളിൽ അപൂർവമായി മാത്രമേ അതിന് ഭാഗ്യം കിട്ടു. .ഇവർ രണ്ടുപേരും എത്ര ഭാഗ്യം ചെയ്തവർ ആണെന്ന് പലപ്പോളും ഞാൻ ചിന്തിച്ചിട്ടുണ്ട്, ഇവരുടെ സ്നേഹം ചിലപ്പോൾ ഈശ്വരന്മാർക്ക് പോലും അസൂയ തോന്നിക്കാണും..
ഫൈറ്റ് ചെയ്യാവുന്നതിലും അപ്പുറം ലേഖയും കുടുംബവും ഫൈറ്റ് ചെയ്തു. .ഇവിടുന്ന് പോകാൻ ഒട്ടും ഇഷ്ടമില്ലാതെയായിരിക്കും ലേഖ ഭർത്താവിനെയും മക്കളെയും വിട്ടുപോയിരിക്കുന്നത്. .അവരുടെ കാര്യം ഓർക്കുമ്പോൾ നെഞ്ചിൽ വല്ലാത്തൊരു വിങ്ങൽ. .എത്ര കാലം കഴിയും അമ്പുവിനും മക്കൾക്കും ഇതിൽ നിന്ന് കരകയറാൻ എന്നറിയില്ല. .അതിനുള്ള ശക്തി ഈശ്വരന്മാർ കൊടുക്കട്ടെ ..ലേഖക്കു നിത്യ ശാന്തി നേരുക എന്നല്ലാതെ എന്ത് പറയാൻ പറ്റും.
സമൂഹമാധ്യമങ്ങളില്‍ സജീവമായിരുന്ന കോണ്ടന്റ് ക്രിയേറ്ററായിരുന്നു ലേഖ അംബുജാക്ഷന്‍. തന്റെ കാന്‍സര്‍ അതീജിവന യാത്രയും പ്രിയപ്പെട്ടവരുമൊത്തുളള നിമിഷങ്ങളും ലേഖ സോഷ്യല്‍ മീഡിയയില്‍ നിരന്തരം പങ്കുവെച്ചിരുന്നു.
2019 ല്‍ പുറത്തിറങ്ങിയ മുട്ടായിക്കളളനും മമ്മാലിയും എന്ന ചിത്രത്തിന്റെ നിര്‍മാണം, തിരക്കഥ, സംഭാഷണം, എന്നിവ നിര്‍വഹിക്കുകയും അതിലെ ഗാനങ്ങള്‍ രചിക്കുകയും സംഗീതം നല്‍കുകയും ചെയ്തത് ലേഖയായിരുന്നു. ഭര്‍ത്താവ് അംബുജാക്ഷനാണ് ലേഖയുടെ മരണവാര്‍ത്ത സമൂഹമാധ്യങ്ങളിലൂടെ അറിയിച്ചത്.
Comments