കൊച്ചി: കളമശ്ശേരി കൂട്ടബലാത്സംഗക്കേസില്‍ അതിജീവിതയുടെ മൊഴി പുറത്ത്. ഏറ്റവും ക്രൂരമായ ലൈംഗികപീഡനം നേരിടേണ്ടി വന്നത് അമ്മു എന്ന പേരില്‍ അറിയപ്പെടുന്ന ശരണ്യയില്‍ നിന്നുമാണെന്ന് അതിജീവിത മൊഴി നല്‍കി. രാസലഹരി കലര്‍ത്തിനല്‍കിയാണ് പീഡനത്തിനിരയാക്കിയതെന്ന് യുവതി മൊഴിനല്‍കിയിട്ടുണ്ട്.
ഒരു സ്ത്രീ കൂടെയുണ്ടെന്ന വിശ്വാസത്തിലാണ് അതിജീവിത സ്ഥലത്ത് എത്തിയത്. എന്നാല്‍, അവരാണ് ഏറ്റവും ക്രൂരമായി ആക്രമിച്ചതെന്ന് യുവതി പറഞ്ഞു. ചൊവ്വാഴ്ച രാത്രി പുല്‍പ്പള്ളി താഴെയങ്ങാടിയിലെ ഹോട്ടലില്‍ ഭക്ഷണം കഴിക്കാനെത്തിയപ്പോഴാണ് സഞ്ജുവിനെയും ശരണ്യയെയും പുല്‍പ്പള്ളി പോലീസ് പിടികൂടിയത്. എന്നാല്‍ സഞ്ജയ് യുവതിയെ ബലാത്സംഗം ചെയ്തിട്ടില്ലെന്നും ഓടിപ്പോകാന്‍ ശ്രമിച്ചപ്പോള്‍ തടഞ്ഞുവെയ്ക്കുക മാത്രമാണ് ചെയ്തതെന്നും പോലീസ് പറഞ്ഞു. നാലുപേര്‍ക്ക് പുറമേ മറ്റു രണ്ടുപേര്‍ക്കായും പോലീസ് തെരച്ചില്‍ നടത്തുന്നുണ്ട്.
രണ്ടുപേര്‍ പീഡനം നടക്കുന്ന മുറിയിലേക്ക് വന്നു. അതേസമയം ലോഡ്ജിലെ സിസിടിവി ദൃശ്യങ്ങള്‍ പ്രവര്‍ത്തിക്കുന്നില്ല. സ്പായിലെ ദൃശ്യങ്ങള്‍ എടുക്കാനുള്ള ശ്രമത്തിലാണ് പോലീസ്. സ്പായുടെ മറവില്‍ ആവശ്യക്കാര്‍ക്ക് യുവതികളെ എത്തിച്ചുനല്‍കുന്ന അനധികൃത റാക്കറ്റാണ് പിന്നില്‍ പ്രവര്‍ത്തിച്ചതെന്ന്കണ്ടെത്തിയിട്ടുണ്ട്. ഇവര്‍ പ്രവര്‍ത്തിച്ചിരുന്ന സ്പാ ലൈസന്‍സ് ഇല്ലാതെയാണ് പ്രവര്‍ത്തിച്ചിരുന്നത്. ആശുപത്രിയില്‍ ചികിത്സയിലുള്ള അതിജീവിത അന്വേഷണവുമായി സഹകരിക്കുന്നതായി അന്വേഷണ സംഘവും വ്യക്തമാക്കി.
സംഭവത്തില്‍ വനിതാകമ്മീഷനും സ്വമേധയാ കേസ് എടുത്തിട്ടുണ്ട്. പ്രതികളുടെ ഗുണ്ടാബന്ധവും അന്വേഷിക്കും. ഐസ്‌ക്രീമില്‍ ലഹരിമരുന്ന് കലര്‍ത്തി നല്‍കിയാണ് ക്രൂരകൃത്യം നടത്തിയത്. ഇതോടെ ലഹരിക്കേസിലും അന്വേഷണം നടക്കും. ലഹരിവന്ന വഴി, പ്രതികളുടെ സെക്സ് റാക്കറ്റ് ബന്ധം, ഗുണ്ടാ ബന്ധം തുടങ്ങിയ കാര്യങ്ങളും അന്വേഷിക്കും. ഇതോടെ കൊച്ചിയില്‍ നിയമവിരുദ്ധമായി പ്രവര്‍ത്തിക്കന്ന സ്പാകളെ കുറിച്ചും അന്വേഷണം നടക്കും.
Comments