തിരുവനന്തപുരം: കോര്‍പറേഷന്‍ കൗണ്‍സിലര്‍ സ്ഥാനത്തുനിന്നുളള രാജി വിഷയത്തില്‍ വിശദീകരണവുമായി ബിജെപി സംസ്ഥാന ഉപാധ്യക്ഷ ആര്‍ ശ്രീലേഖ. ഞായറാഴ്ച വരെ കാത്തിരിക്കണമെന്നും തനിക്കു പറയാനുളളതു കൂടി കേള്‍ക്കണമെന്നുമാണ് ശ്രീലേഖ സമൂഹമാധ്യമത്തില്‍ കുറിച്ചത്.
ശ്രീലേഖയുടെ ഫെയ്‌സ്ബുക്ക് കുറിപ്പ്:
'ഞാന്‍ വിശദീകരിക്കാന്‍ ആഗ്രഹിക്കുന്നു- എന്തുകൊണ്ടാണ് മാധ്യമങ്ങള്‍ ശ്രീലേഖ രാജി വെച്ചു എന്ന് പറഞ്ഞ് 3, 4 ദിവസം ആഘോഷിച്ചതെന്ന്. ഒക്ടോബര്‍ 11, ഞായറാഴ്ച വരെ ദയവായി കാത്തിരിക്കൂ. എനിക്ക് പറയാനുള്ളത് കൂടി കേള്‍ക്കൂ...'
ഒക്ടോബർ മൂന്നിനാണ് രാജിസന്നദ്ധത അറിയിച്ചു മേയര്‍ വി വി രാജേഷിന് സെപ്റ്റംബര്‍ 30 ന് കത്തു നല്‍കിയിരുന്നുവെന്ന് ശ്രീലേഖ ശാസ്തമംഗലത്തെ വാട്‌സാപ്പ് ഗ്രൂപ്പ് വഴി വ്യക്തമാക്കിയത്. സ്വകാര്യ കാരണങ്ങളാണ് രാജിക്ക് പിന്നിലെന്നും അവര്‍ പറഞ്ഞിരുന്നു. അന്നു തന്നെ മേയര്‍ ഇക്കാര്യം സ്ഥിരീകരിക്കുകയും ചെയ്തിരുന്നു. തുടര്‍ന്ന് പാര്‍ട്ടി സംസ്ഥാന നേതൃത്വം ഇടപെട്ട് ചര്‍ച്ചകള്‍ നടത്തിയതോടെ അവര്‍ വാട്‌സാപ്പ് ഗ്രൂപ്പില്‍നിന്നും കുറിപ്പ് പിന്‍വലിച്ചിരുന്നു.
Comments