ഔട്ട് ഓഫ് സിലബസ് എന്ന സിനിമയില്‍ സഹതാരമായി വെള്ളിത്തിരയിലെത്തിയ താരമാണ് പാര്‍വതി തിരുവോത്ത്. ‘നോട്ട് ബുക്ക്’ എന്ന സിനിമയിലെ മൂന്ന് നായികമാരില്‍ ഒരാളായി എത്തിയതോടെയാണ് പാര്‍വതി ശ്രദ്ധിക്കപ്പെട്ടത്. പിന്നീടെത്തിയ ‘വിനോദയാത്ര’യിലെ മുകേഷിന്റെ സഹോദരി വേഷവും പ്രേക്ഷകര്‍ക്കിഷ്ടമായി. എന്നാല്‍ താരത്തിന് കരിയര്‍ ബ്രേക്ക് നല്‍കിയത് കന്നഡത്തില്‍ പുനീത് രാജ്കുമാറിന്റെ നായികയായി എത്തിയ ചിത്രവും ‘പൂ’ എന്ന പടത്തിലെ മാരി എന്ന കഥാപാത്രവുമാണ്. അതിനു ശേഷം താരത്തിന് തിരിഞ്ഞു നോക്കേണ്ടി വന്നിട്ടില്ല.
ഇന്ന് തെന്നിന്ത്യയിലും ബോളിവുഡിലും ഒരുപോലെ തിളങ്ങി നില്‍ക്കുന്ന നായികയാണ് പാര്‍വതി. തെരഞ്ഞെടുക്കുന്ന കഥാപാത്രങ്ങളിലെ വ്യത്യസ്തത താരത്തിന്റെ നിലപാടുകളിലും അഭിപ്രായങ്ങളിലുമൊക്കെ നിഴലിക്കാറുണ്ട്. മുഖം നോക്കാതെ തന്റെ അഭിപ്രായങ്ങള്‍ തുറന്നു പറയാറുള്ള താരം പലപ്പോഴും വിമര്‍ശനങ്ങള്‍ക്ക് വിധേയയായിട്ടുണ്ട്. അടുത്തിടെയായി തന്റെ ഫാഷന്‍ തെരഞ്ഞെടുപ്പുകളിലൂടെയും പാര്‍വതി ശ്രദ്ധിക്കപ്പെടുകയാണ്. ബോള്‍ഡായ ഫാഷൻ പരീക്ഷണങ്ങളിലൂടെ പരമ്പരാഗത ശൈലികളെയും ആധുനിക ഫാഷനെയും ഒരുപോലെ തന്റേതായ ആത്മവിശ്വാസത്തോടെ അവതരിപ്പിക്കാൻ പാർവതിക്ക് സാധിക്കാറുണ്ട്.
ഇപ്പോഴിതാ സ്വീറ്റ്‌ഹാർട്ട് ബോൺലെസ് കോർസെറ്റും പെൻസിൽ സ്കർട്ടും ധരിച്ച് ബോള്‍ഡ് ലുക്കില്‍ വീണ്ടും ആരാധകശ്രദ്ധ നേടുകയാണ് പാര്‍വതി തിരുവോത്ത്. സ്വറ്റ് ഹാര്‍ട്ട് നെക്ലൈനുള്ള ട്യൂബ് ടോപ്പും വോള്യൂമെറിക് സൈഡ് പാനലുകളുള്ള പെന്‍സില്‍ സ്കര്‍ട്ടുമാണ് താരം ധരിച്ചിരിക്കുന്നത്. ഹാന്‍ഡ് സ്മോക്ക് വാട്ടര്‍ഫോള്‍ സാറ്റിന്‍ ഫാബ്രിക്കില്‍ സിയാന്‍ നിറത്തിലുള്ള കോര്‍സെറ്റിലും സ്കര്‍ട്ടിലും സോഷ്യല്‍ മീഡിയ വീണ്ടും ചൂടാക്കുകയാണ് താരം.
Comments