' എന്റെ കുടുംബത്തില്‍ നിന്നൊരാള്‍ മുഖ്യമന്ത്രിയായതു പോലെ ' ; വിജയ് വന്നതിനു ശേഷമുളള മാറ്റങ്ങള്‍ നേരിട്ടനുഭവിച്ചെന്ന് ഷീല

നാല് പതിറ്റാണ്ടിലേറെയായി മലയാള സിനിമാപ്രേമികളുടെ ഹൃദയത്തിൽ ഇടംപിടിച്ച പ്രിയനടിയാണ് ഷീല. വർഷങ്ങളായി തമിഴ്‌നാട്ടിൽ താമസിക്കുന്ന ഷീല, നടൻ വിജയുടെ രാഷ്ട്രീയ പ്രവേശനത്തിന് ശേഷം അവിടെയുണ്ടായ മാറ്റങ്ങൾ നേരിട്ട് കണ്ടറിഞ്ഞതിനെക്കുറിച്ച് സംസാരിക്കുകയാണ്.

വിജയ് തമിഴ്‌നാട് മുഖ്യമന്ത്രിയായതിൽ ഏറെ സന്തോഷമുണ്ടെന്നും, അദ്ദേഹത്തെ വിശ്വസിക്കുന്നുവെന്നും ഷീല നാന സിനിമ വാരികയ്ക്ക് നൽകിയ അഭിമുഖത്തിൽ പറഞ്ഞു.

"ഞാൻ വർഷങ്ങളായി തമിഴ്നാട്ടിലാണല്ലോ താമസിക്കുന്നത്. അതുകൊണ്ട് വിജയ് വന്നതിന് ശേഷമുള്ള മാറ്റങ്ങളും ​ഗുണങ്ങളും നേരിട്ട് അനുഭവിക്കാൻ സാധിക്കുന്നുണ്ട്. എന്റെ കുടുംബത്തിൽ നിന്നൊരാൾ മുഖ്യമന്ത്രിയായതു പോലൊരു സന്തോഷമാണ് എനിക്കുള്ളത്.

ഞാൻ അദ്ദേഹത്തെ വിശ്വസിക്കുകയും അദ്ദേഹത്തിന്റെ നേട്ടത്തിൽ അഭിമാനിക്കുകയും ചെയ്യുന്നു. അദ്ദേഹം ഈ പദവിയിൽ എത്തണമെന്ന് ഞാൻ ആഗ്രഹിച്ചിരുന്നു. എല്ലാവരെയും പോലെ വലിയ സ്നേഹമുണ്ട്. പക്ഷേ ഇതുവരെ അദ്ദേഹത്തെ നേരിട്ട് കണ്ടിട്ടില്ല".- ഷീല പറഞ്ഞു.