കഴിഞ്ഞ മാസം അവതരിപ്പിച്ച ഓപ്പോ K14 പ്ലസ് (Oppo K14 Plus) ഇപ്പോള്‍ ഇന്ത്യയില്‍ വാങ്ങാന്‍ ലഭ്യമാണ്. ഫ്‌ലിപ്കാര്‍ട്ട് ബിഗ് ബില്യണ്‍ ഡേയ്‌സ് സെയിലിന്റെ (Flipkart Big Billion Days Sale) ആദ്യ ദിനത്തിലാണ് ഈ ഫോണ്‍ വില്‍പ്പനയ്ക്ക് എത്തിയിരിക്കുന്നത്. 144Hz റിഫ്രഷ് റേറ്റ് ഉള്ള 1.5K അമോലെഡ് (AMOLED) ഡിസ്പ്ലേയാണ് ഇതിലുള്ളത്. മീഡിയടെക് ഡൈമന്‍സിറ്റി 7360 മാക്‌സ് പ്രൊസസറാണ് ഈ പുതിയ ഓപ്പോ ഹാന്‍ഡ്സെറ്റിന് കരുത്ത് പകരുന്നത്. ഒപ്റ്റിക്കല്‍ ഇമേജ് സ്റ്റെബിലൈസേഷന്‍ (OIS) ഉള്ള 50 മെഗാപിക്‌സല്‍ പ്രധാന ക്യാമറയാണ് ഇതില്‍ നല്‍കിയിരിക്കുന്നത്. 45W ചാര്‍ജിംഗ് പിന്തുണയുള്ള 8,000mAh ബാറ്ററിയാണ് ഓപ്പോ K14 പ്ലസിന്റെ മറ്റൊരു പ്രത്യേകത.
ഓപ്പോ K14 പ്ലസ്: ഇന്ത്യയിലെ വിലയും ഓഫറുകളും
ഓപ്പോ K14 പ്ലസിന്റെ 6GB RAM + 128GB സ്റ്റോറേജ് പതിപ്പിന് ഇന്ത്യയില്‍ 29,999 രൂപയാണ് വില. ഇതിന് പുറമെ 8GB + 128GB, 8GB + 256GB എന്നീ വേരിയന്റുകളിലും ഫോണ്‍ ലഭ്യമാണ്. ഇവയ്ക്ക് യഥാക്രമം 32,999 രൂപ, 35,999 രൂപ എന്നിങ്ങനെയാണ് വില നല്‍കിയിരിക്കുന്നത്.
ലോഞ്ച് ഓഫറിന്റെ ഭാഗമായി മുന്‍നിര ബാങ്ക് കാര്‍ഡുകള്‍ ഉപയോഗിച്ച് വാങ്ങുന്നവര്‍ക്ക് 4,000 രൂപയുടെ തല്‍ക്ഷണ ഡിസ്‌കൗണ്ട് (Instant Bank Discount) ലഭിക്കും. ഇതോടെ ഫോണുകളുടെ വില യഥാക്രമം 25,999 രൂപ, 28,999 രൂപ, 31,999 രൂപ എന്നിങ്ങനെയായി കുറയും. ഇതിനൊപ്പം 6 മാസത്തെ നോ-കോസ്റ്റ് ഇഎംഐ (No-cost EMI) സൗകര്യവും ലഭ്യമാണ്. സോളാര്‍ ഓറഞ്ച് (Solar Orange), സ്റ്റാര്‍ വൈറ്റ് (Star White) എന്നീ കളര്‍ ഓപ്ഷനുകളില്‍ ഫ്‌ലിപ്കാര്‍ട്ട്, ഓപ്പോ ഇന്ത്യ ഇ-സ്റ്റോര്‍ എന്നിവ വഴി ഫോണ്‍ വാങ്ങാം.
ഓപ്പോ K14 പ്ലസ്: സവിശേഷതകള്‍
ഡിസ്പ്ലേ: 6.77 ഇഞ്ച് FHD+ (2,772 × 1,272 പിക്സല്‍) ഡിസ്പ്ലേ, 120Hz അഡാപ്റ്റീവ് റിഫ്രഷ് റേറ്റും പരമാവധി 144Hz റിഫ്രഷ് റേറ്റും.
പ്രൊസസറും സ്റ്റോറേജും: മീഡിയടെക് ഡൈമന്‍സിറ്റി 7360 മാക്‌സ് ചിപ്സെറ്റ്, 8GB വരെ LPDDR4X RAM, 256GB വരെ UFS 3.1 സ്റ്റോറേജ്.
ക്യാമറ: f/1.8 അപ്പര്‍ച്ചറും 2-ആക്‌സിസ് OIS പിന്തുണയുമുള്ള 50 മെഗാപിക്‌സല്‍ പ്രധാന ക്യാമറ, പോര്‍ട്രെയ്റ്റ് മോഡിനായി 2 മെഗാപിക്‌സല്‍ മോണോക്രോം ക്യാമറ. സെല്‍ഫികള്‍ക്കായി f/2.4 അപ്പര്‍ച്ചറുള്ള 16 മെഗാപിക്‌സല്‍ ക്യാമറ.
ബാറ്ററിയും ചാര്‍ജിംഗും: 45W വയര്‍ഡ് ചാര്‍ജിംഗ് പിന്തുണയുള്ള 8,000mAh ബാറ്ററി. മറ്റ് ഉപകരണങ്ങള്‍ ചാര്‍ജ് ചെയ്യാന്‍ 10W റിവേഴ്‌സ് വയര്‍ഡ് ചാര്‍ജിംഗ് പിന്തുണയുമുണ്ട്.
സോഫ്റ്റ്വെയര്‍: ആന്‍ഡ്രോയിഡ് 16 അടിസ്ഥാനമാക്കിയുള്ള ഓപ്പോയുടെ കളര്‍ഒഎസ് 16 (ColorOS 16).
മറ്റ് ഫീച്ചറുകള്‍: ഇന്‍-ഡിസ്പ്ലേ ഫിംഗര്‍പ്രിന്റ് സ്‌കാനര്‍, അളവുകള്‍: 162.6 × 77.6 × 8.4 മി.മീ, ഭാരം: 207 ഗ്രാം.
Comments