ദുബായ്: ഇന്ത്യന്‍ പൈലറ്റ് മച്ചാര്‍ രക്ഷകനായി മാറിയ ഫ്ളൈദുബായ് വിമാനത്തിലെ സംഭവത്തില്‍ വിമാനം ഇടിച്ചിറക്കി ആളെ കൊല്ലാനാണ് സഹ പൈലറ്റ് ലക്ഷ്യമിട്ടതെന്ന് യു.എ.ഇ. വിമാനത്തിലെ സഹപൈലറ്റ് ഒമാന്‍ പൗരന്‍ ഹമാം അല്‍ ഹമ്മാമിയ്ക്ക് എതിരേയാണ് റിപ്പോര്‍ട്ട്. ക്യാപ്റ്റനായ സ്മിത് മച്ചാര്‍ കോക്ക്പിറ്റില്‍വെച്ച് ക്രൂരമായി ആക്രമണത്തിന് ഇരയായ സംഭവത്തിലാണ് യു.എ.ഇ. റിപ്പോര്‍ട്ട് പുറത്തുവിട്ടത്.
2017 ഓസ്ട്രേലിയന്‍ പഠനകാലം മുതല്‍ തീവ്രവാദ ആശയങ്ങളില്‍ ആകൃഷ്ടനായിരുന്നു ഇയാള്‍. വേള്‍ഡ് ട്രേഡ് സെന്റര്‍ അക്രമണമായിരുന്നു ഹമ്മാമിയുടെ പ്രചോദനം. ആ മാതൃകയില്‍ ഒരു ആരകമണമാണ് ഉദ്ദേശിച്ചിരുന്നത്. ഭൂരിഭാഗം യാത്രക്കാരും ഇസ്രായേലികളായുള്ള വിമാനം ബെന്‍ ഗുരിയോന്‍ വിമാനത്താവളത്തില്‍ ഇടിച്ചിറക്കി ആളുകളെ കൂട്ടക്കുരുതി കഴിക്കുകയായിരുന്നു ലക്ഷ്യം. എന്നാല്‍ ഇന്ത്യന്‍ പൈലറ്റിന്റെ സമചിത്തതയോടെയുള്ള പെരുമാറ്റം ഹമ്മാമിയെ കീഴടക്കി.
തിരികെയുള്ള യാത്രയില്‍ വിമാനം പറത്തേണ്ടിയിരുന്ന പൈലറ്റ് ആയിരുന്നു പൈലറ്റിനെ ആക്രമിച്ചപ്പോള്‍ കോക്ക്പിറ്റ് വാതില്‍ തുറന്നത് എന്നാണ് റിപ്പോര്‍ട്ടില്‍ പറയുന്നത്. കോഡ് ഉപയോഗിച്ചാണ് തുറന്നതെന്നും വിമാനം പിന്നീട് നിയന്ത്രിച്ചതും സൗദിയില്‍ ഇറക്കിയതും വിമാനത്തില്‍ ഉണ്ടായിരുന്ന മറ്റൊരു പൈലറ്റാണെന്നും ആ പൈലറ്റ് ഒമാന്‍ സ്വദേശി തന്നെ എന്നും സ്ഥിരീകരണമുണ്ട്.
ആക്രമണം നടന്ന് ഒമ്പത് മണിക്കൂറിന് ശേഷം പ്രതിയുടെ ലിങ്ക്ഡ്ഇന്‍, ഇന്‍സ്റ്റാഗ്രാം അക്കൗണ്ടുകളില്‍ വന്ന സന്ദേശങ്ങളും തെളിവുകളായി. പിന്നീട് നീക്കം ചെയ്ത രണ്ട് പോസ്റ്റുകളില്‍ ബോയിംഗ് 737 മാക്സ് വിമാനത്തിന്റെ കോക്പിറ്റില്‍ നിന്ന് ചിത്രീകരിച്ച ദൃശ്യങ്ങളായിരുന്നു ആദ്യ വീഡിയോ. ഇസ്രായേലി എയര്‍ലൈനുകളായ 'എല്‍ അല്‍' , 'അര്‍കിയ' എന്നിവയുടെ വിമാനങ്ങളും ദൃശ്യങ്ങളിലുണ്ട്. അല്‍ ഖ്വയ്ദ മുന്‍ തലവന്‍ അയ്മന്‍ അല്‍ സവാഹിരി, 2009-ല്‍ സി.ഐ.എ ഉദ്യോഗസ്ഥരെ വധിച്ച ഹുമാം ഖലീല്‍ അബു-മുലാല്‍ അല്‍-ബലാവിയ എന്നിവരുടെ ചിത്രങ്ങളോടെയാണ് വീഡിയോ അവസാനിക്കുന്നത്.
രണ്ടാമത്തെ പോസ്റ്റില്‍ മക്ക, മദീന, ജറുസലേം എന്നീ പുണ്യസ്ഥലങ്ങളെ ബന്ധിപ്പിക്കുന്ന എ ഐ ചിത്രവും മരണത്തെ ഭയപ്പെടുന്നില്ലെന്ന വരികളുള്ള പശ്ചാത്തല കവിതയുമായിരുന്നു. കൂടാതെ, ഇയാളുടെ പഴയ എക്സ് സമൂഹമാധ്യമഅക്കൗണ്ട് വിശകലനം ചെയ്തതില്‍ നിന്ന് തീവ്ര മതചിന്താഗതിക്കാരനും സ്ത്രീവിരുദ്ധ നിലപാടുകള്‍ ഉള്ളയാളുമായിരുന്നു ഇയാളെന്ന് വ്യക്തമായിട്ടുണ്ട്. റോയല്‍ എയര്‍ മാറോക്കില്‍ കുറച്ചുകാലം ജോലി ചെയ്ത ശേഷം, എട്ട് മാസം മുമ്പാണ് ഫ്ളൈ ദുബായില്‍ ചേര്‍ന്നത്.
യുഎഇയില്‍ ജനിച്ച ഇയാളുടെ പിതാവ് ഒമാന്‍ സ്വദേശിയും മാതാവ് സിറിയന്‍ സ്വദേശിയുമാണ്. യുഎഇയില്‍ വര്‍ഷങ്ങളോളം ജീവിച്ചിട്ടുള്ള ഹമാം അല്‍-ഹമാമി യുകെയിലെ ബക്കിംഗ്ഹാംഷെയര്‍ ന്യൂ യൂണിവേഴ്സിറ്റിയില്‍ നിന്ന് ഏവിയേഷന്‍ മാനേജ്മെന്റില്‍ ബിരുദം നേടിയിട്ടുണ്ട്. ഒമാന്‍ എയറില്‍ ഏഴ് വര്‍ഷത്തോളം ജോലി ചെയ്ത ഇയാളെ, ഇസ്ലാമിസ്റ്റ് തീവ്രവാദ നിലപാടുകളെക്കുറിച്ചുള്ള ആശങ്കകളെ തുടര്‍ന്ന് പൈലറ്റ് പരിശീലനത്തില്‍ നിന്ന് മാറ്റുകയും മറ്റ് ചുമതലകള്‍ നല്‍കുകയും ചെയ്തിരുന്നു. 2025 ഫെബ്രുവരിയിലാണ് ഇയാള്‍ ഒമാന്‍ എയര്‍ വിട്ടത്.
ബാഹ്യ പ്രേരണ ഉണ്ടായിട്ടില്ലെന്നാണ് പ്രതിയുടെ മൊഴി. 29 വയസാണ് പ്രതിക്കുള്ളത്. 2020 മുതല്‍ 2024 വരെ ഒമാന്‍ എയര്‍ല്‍ ജോലി ചെയ്ത് വരികയായിരുന്നു. ഫ്ളൈ ദുബായ് വിമാന ആക്രമണത്തിന്റെ അന്വേഷണ വിശദാംശങ്ങളിലാണ് യു.എ.ഇ. ഇക്കാര്യം വെളിപ്പെടുത്തി യിരിക്കുന്നത്. പൈലറ്റിന്റെയും സഹപൈലറ്റിന്റെയും മൊഴിയുടെയും സാഹചര്യതെളിവുകളുടെയും സാഹചര്യം വെച്ചാണ് റിപ്പോര്‍ട്ട് തയ്യാറാക്കിയിരി ക്കുന്നത്.
Comments