‘താൻതന്നെ ഉയർത്തിയ നിലവാരങ്ങൾ വീണ്ടും മറികടക്കുന്ന മനുഷ്യൻ’; രാജമൗലിക്ക് പിറന്നാൾ ആശംസയുമായി ജൂനിയർ എൻ.ടി.ആർ

സംവിധായകൻ എസ്.എസ്. രാജമൗലിക്ക് ജന്മദിനാശംസകൾ നേർന്ന് നടൻ ജൂനിയർ എൻ.ടി.ആർ. രാജമൗലിയെ സ്നേഹത്തോടെ "ജക്കണ്ണ" എന്നാണ് താരം വിശേഷിപ്പിച്ചത്.

"താൻതന്നെ ഉയർത്തിയ നിലവാരങ്ങൾ വീണ്ടും മറികടക്കുന്ന മനുഷ്യന് പിറന്നാൾ ആശംസകൾ. സ്നേഹം ജക്കണ്ണ " എന്നായിരുന്നു ജൂനിയർ എൻ.ടി.ആർ എക്സിൽ കുറിച്ചത്. ആഗോളതലത്തിൽ തരംഗം സൃഷ്ടിച്ച 'ആർ.ആർ.ആർ' എന്ന ചിത്രത്തിന് ശേഷം ഇരുവരും തമ്മിലുള്ള ആത്മബന്ധവും പരസ്പരമുള്ള ആദരവും വിളിച്ചോതുന്നതാണ് ഈ പിറന്നാൾ സന്ദേശം.

ആശംസയ്ക്കൊപ്പം താരം പങ്കുവെച്ച ചിത്രമാണ് സമൂഹമാധ്യമങ്ങളിൽ ഏറെ ശ്രദ്ധനേടിയത്. രാജമൗലിയെ ജൂനിയർ എൻ.ടി.ആർ പുറത്തിരുത്തിയിരിക്കുന്നഒരു രസകരമായ ചിത്രമാണ് താരം പങ്കുവെച്ചത്. സിനിമയ്ക്ക് പുറത്തുള്ള ഇരുവരുടെയും സൗഹൃദത്തിന്റെ ആഴം വ്യക്തമാക്കുന്നതാണ് ഈ ചിത്രം.