പാലക്കാട്: മാസപ്പടി കേസില്‍ പിണറായിക്കെതിരെ എഫ്‌ഐആര്‍ ഇട്ടത് ഇഡിയും വിഡിയും ചേര്‍ന്ന മാച്ച് ഫിക്‌സിങ് നടപടിയാണെന്ന് സിപിഎം സംസ്ഥാന സെക്രട്ടറിയേറ്റ് അംഗം എം.ബി. രാജേഷ്. ഇത് പൂര്‍ണ്ണമായും രാഷ്ട്രീയ വേട്ടയാടല്‍ ആണെന്നും എംബി രാജേഷ് ആരോപിച്ചു.
മൂന്നു കോടതി തളളിയതാണെന്ന് പരിഗണിക്കാതെ ഇഡി എന്താണോ പറഞ്ഞത് അത് വേദവാക്യമാക്കുകയാണ്. കോടതിക്ക് മുകളില്‍ അല്ല ഇഡി. കോടതികള്‍ തളളിക്കളഞ്ഞതാണെന്നും ഇന്ത്യയില്‍ ഒരു വിശ്വാസതയും ഇല്ലാത്ത ഏജന്‍സിയാണ് ഇഡിയെന്നും എം.ബി. രാജേഷ് പറഞ്ഞു.
ഭീഷണിപ്പെടുത്തി എടുത്ത മൊഴികള്‍ പരിശോധിക്കാതെ ക്രിമിനല്‍ സംഘങ്ങളെപ്പോലെ ദുരുപയോഗം ചെയ്യുകയാണ്. ഗോളി ഇല്ലാത്ത ഗോള്‍പോസ്റ്റില്‍ ഗോള്‍ അടിക്കുന്നത് പോലെയുളള വിധിയാണിത്. പിണറായി വിജയനെയും ഇടതുപക്ഷത്തെയും വേട്ടയാടാനാണ് ഇത്തരം ശ്രമങ്ങള്‍ നടക്കുന്നത്. ഇതിനെ രാഷ്ട്രീയമായും നിയമപരമായും നേരിടുമെന്നും എം.ബി. രാജേഷ് വ്യക്തമാക്കി.
ഇന്ന് പിണറായി വിജയനെതിരെ വന്നു എന്ന് കരുതി ആഹ്ലാദിക്കുന്നവരോട്, നാളെ അവര്‍ക്ക് നേരെയും ഇഡി വരും. സര്‍ക്കാര്‍ ഹൈക്കോടതിയില്‍ ഇഡിയുമായി ഒത്തുകളിച്ചു. ഇഡിക്ക് സര്‍ക്കാര്‍ സൗകര്യമൊരുക്കിക്കൊടുത്തു. സതീശന്‍ ചെയ്യുന്നത് ഇരിക്കുന്ന കൊമ്പ് മുറിക്കുന്നതുപോലെയാണെന്നും എം.ബി.രാജേഷ് പറഞ്ഞു.
Comments