കൊൽക്കത്ത: ചൊവ്വാഴ്ച വൈകുന്നേരം കൊൽക്കത്തയിലെ വീടിന് പുറത്തിറങ്ങിയ മുൻ പശ്ചിമ ബംഗാൾ മുൻ മുഖ്യമന്ത്രി മമതാ ബാനർജിയെ ഒരു സ്ത്രീ കത്തി ഉപയോഗിച്ച് ആക്രമിക്കാൻ ശ്രമിച്ചതായി മമത അഖിലേന്ത്യാ തൃണമൂൽ കോൺഗ്രസ് ആരോപിച്ചു.
തന്നിഷ്ഠ സാഹ എന്ന് തിരിച്ചറിഞ്ഞ സ്ത്രീ സിവിക് വോളന്റിയറാണെന്നും മമത ബാനർജിയുടെ അനന്തരവളാണെന്ന് അവകാശപ്പെട്ടതായും പാർട്ടി ജനറൽ സെക്രട്ടറി ഡോള സെൻ പോലീസിൽ നൽകിയ പരാതിയിൽ പറഞ്ഞു. വൈകുന്നേരം 6 മണിക്ക് കാളിഘട്ടിലെ വീട്ടിൽ നിന്ന് മമത ബാനർജി പുറത്തിറങ്ങിയപ്പോൾ, സാഹ അസഭ്യവർഷം നടത്തുകയും അവരെ ആക്രമിക്കാൻ ശ്രമിക്കുകയുമായിരുന്നു.
ട്രാഫിക് മാനേജ്‌മെന്റ്, ജനക്കൂട്ടത്തെ നിയന്ത്രിക്കൽ, പൊതുസുരക്ഷാ ചുമതലകൾ എന്നിവയിൽ സഹായിക്കുന്നതിനായി പശ്ചിമ ബംഗാൾ പോലീസും കൊൽക്കത്ത പോലീസും കരാറടിസ്ഥാനത്തിൽ നിയമിക്കുന്ന ജീവനക്കാരാണ് സിവിക് വോളന്റിയർമാർ. സാഹ ലഹരിക്ക് അടിമയാണെന്ന് തൃണമൂൽ കോൺഗ്രസിലെ മമത ബാനർജി വിഭാഗം അവകാശപ്പെട്ടു. ഇസെഡ് പ്ലസ് സുരക്ഷയുള്ള ഒരാളുടെ വസതിക്ക് സമീപത്തേക്ക് ഒരാൾക്ക് എങ്ങനെ എത്താൻ കഴിയുമെന്നും ഇതിന് പിന്നിൽ ഗൂഢാലോചനയുണ്ടെന്നും പാർട്ടി ആരോപിച്ചു.
പരാതിയുടെ പകർപ്പ് പങ്കുവെച്ചുകൊണ്ട് പാർട്ടി വക്താവ് സാകേത് ഗോഖലെ എക്സിൽ കുറിച്ചു: "ഒരു മയക്കുമരുന്ന് അടിമ ഇന്ന് മമതാ ബാനർജിയുടെ വസതിയിലെത്തുകയും കത്തി ഉപയോഗിച്ച് ആക്രമിക്കാൻ ശ്രമിക്കുകയും ചെയ്തു. ഇസെഡ് പ്ലസ് സുരക്ഷയുള്ള മൂന്ന് തവണ മുഖ്യമന്ത്രിയായ വ്യക്തിക്ക് പോലും സുരക്ഷയില്ലാത്ത അവസ്ഥയാണ് ബംഗാളിലുള്ളത്. ഡൽഹിയിൽ ബി.ജെ.പിയെ ഇല്ലാതാക്കാൻ ദീദി ഉറച്ചുനിൽക്കുന്നതുകൊണ്ട് അവർ ആസൂത്രണം ചെയ്ത ഗൂഢാലോചനയാണോ ഇത്?"
മണിക്കൂറുകൾക്ക് ശേഷം, ഈ സ്ത്രീ 38 കാരിയായ അനുസൂയ സാഹയാണെന്ന് തിരിച്ചറിഞ്ഞ പോലീസ്, സംഭവത്തെ ഒരു "വാക്തർക്കം" എന്ന് വിശേഷിപ്പിക്കുകയും ഇവരെ കസ്റ്റഡിയിലെടുത്തതായി അറിയിക്കുകയും ചെയ്തു. പോലീസിന്റെ പ്രസ്താവനയിൽ ആക്രമണത്തെക്കുറിച്ചോ മൂർച്ചയുള്ള ആയുധത്തെക്കുറിച്ചോ പരാമർശമില്ലെന്നും സ്ത്രീയെ കസ്റ്റഡിയിലെടുത്തിട്ടുണ്ടെന്നു മാത്രമാണ് അറിയിച്ചത്.
മത ബാനർജി വിഭാഗത്തിലെ അംഗങ്ങൾക്ക് നേരെ മുമ്പും നിരവധി തവണ ആക്രമണങ്ങൾ ഉണ്ടായിട്ടുണ്ട്. ഓഗസ്റ്റിൽ, കൊൽക്കത്തയിലെ ശ്യാംബസാർ പ്രദേശത്തുവെച്ച് തന്റെ കാറിന് നേരെ വലിയ കല്ലെറിഞ്ഞതായും, അത് ദിവസങ്ങളോളം നീണ്ടുനിന്ന നെഞ്ചുവേദനയ്ക്ക് കാരണമായതായും മമത ബാനർജി അവകാശപ്പെട്ടിരുന്നു.
Comments