ലണ്ടന്‍ : യുവേഫാ ചാംപ്യന്‍സ് ലീഗ് ഫുട്‌ബോളില്‍ തോല്‍വികള്‍ ഏറ്റുവാങ്ങി മാഞ്ചസ്റ്റര്‍ യുണൈറ്റഡും ഇറ്റാലിയന്‍ ക്ലബ്ബ് ഇന്റര്‍മിലാനും. മാഞ്ചസ്റ്റര്‍ യുണൈറ്റഡ് 3-0 ന് അത്‌ലറ്റിക്കോ മാഡ്രിഡിനോടും ഇന്റര്‍മിലാന്‍. ക്ലബ്ബ് ബ്രൂഗയോടുമാണ് തോല്‍വി ഏറ്റുവാങ്ങിയത്.
ആദ്യ മിനിറ്റില്‍ തന്നെ ഗോള്‍ വഴങ്ങി അത്ലറ്റികോ മാഡ്രിഡിനോട് ചാമ്പ്യന്‍സ് ലീഗില്‍ തോല്‍വി ഏറ്റുവാങ്ങിയതോടെ മാഞ്ചസ്റ്റര്‍ യുണൈറ്റഡിന്റെ മോശം പ്രകടനം തുടര്‍ന്നു. സ്പാനിഷ് ക്ലബ്ബ് അത്ലറ്റികോ മാഡ്രിഡിനെതിരായ മത്സരത്തിന്റെ ആദ്യ മിനിറ്റില്‍ തന്നെ പബ്ലോ ബാരിയോസ് നേടിയ ഗോളിലൂടെ യുണൈറ്റഡ് പിന്നിലായി. അവസാന നിമിഷങ്ങളില്‍ ലെന്നി യോറോ ചുവപ്പ് കാര്‍ഡ് കണ്ട് പുറത്തായതും യുണൈറ്റഡിന് തിരിച്ചടിയായി.
കളിയുടെ ആദ്യമിനിറ്റില്‍ തന്നെ യുണൈറ്റഡ് ഗോള്‍ വഴങ്ങി. പാബ്‌ളോ ബാരിയോസാണ് ഗോള്‍ നേടിയത്. മാഞ്ചസ്റ്റര്‍ പ്രതിരോധത്തെ മറികടന്ന് അലക്‌സ് ബയെന നല്‍കിയ പന്തില്‍ നിന്ന് പബ്ലോ ബാരിയോസ് തൊടുത്ത ഷോട്ട് ഗോള്‍വല തുളക്കുകയായിരുന്നു. 79-ാം മിനിറ്റില്‍ അഡെമോല ലുക്ക്മാന്‍ അത്ലറ്റികോയുടെ വിജയം ഉറപ്പിച്ചതോടെ, ഈ സീസണില്‍ ചാമ്പ്യന്‍സ് ലീഗില്‍ തോല്‍വി വഴങ്ങുന്ന ആദ്യ ഇംഗ്ലീഷ് ക്ലബ്ബായി മാഞ്ചസ്റ്റര്‍ യുണൈറ്റഡ് മാറി. ഇതോടെ അഞ്ചാം മത്സരത്തിലും വിജയം കാണാന്‍ ടീമിനായില്ല.
ഇന്റര്‍ മിലാന്‍ - ക്ലബ്ബ് ബ്രൂഗെയും തമ്മിലുള്ള മത്സരം ആവേശപ്പൂരമായിരുന്നു. അമ്പരപ്പിക്കുന്ന ഹാട്രിക് പ്രകടനവുമായി നിക്കോളോ ട്രെസോള്‍ഡി തിളങ്ങിയ മത്സരത്തില്‍ 4 - 3 ന് ഇന്റര്‍ മിലാനെ അവരുടെ തട്ടകമായ സാന്‍ സിറോയിലില്‍ ഇട്ടാണ് ക്ലബ്ബ് ബ്രൂഗെ മലര്‍ത്തിയടിച്ചത്. ചാമ്പ്യന്‍സ് ലീഗില്‍ ഇന്റര്‍ മിലാന്റെ തുടര്‍ച്ചയായ നാലാമത്തെ തോല്‍വിയാണിത്.
ആദ്യ പകുതിയുടെ അവസാന മിനിറ്റുകളില്‍ ലൗതാരോ മാര്‍ട്ടിനെസ് ഇന്ററിനായി സമനില ഗോള്‍ നേടിയെങ്കിലും, ട്രെസോള്‍ഡിയുടെ മിന്നും പ്രകടനവും (30', 63', 74') അവസാന നിമിഷം റോമിയോ വെര്‍മാന്റ് നേടിയ ഗോളും ബ്രൂഗെയ്ക്ക് അവിസ്മരണീയ വിജയം സമ്മാനിച്ചു. മത്സരത്തിന്റെ അവസാന നിമിഷങ്ങളില്‍ (90+3') അഞ്ച്-യോവാന്‍ ബോണി ഇന്ററിനായി ഒരു ഗോള്‍ കൂടി മടക്കിയെങ്കിലും ബ്രൂഗെയുടെ വിജയം തടയാന്‍ അതു മതിയാകുമായിരുന്നില്ല.
Comments