ഇസ്താംബൂള്‍: യുവേഫാ ചാംപ്യന്‍സ് ലീഗില്‍ ബാഴ്‌സിലോണയ്ക്കും ആഴ്‌സണലിനും തകര്‍പ്പന്‍ ജയം. ഇസ്താംബൂളില്‍ നടന്ന പോരാട്ടത്തില്‍ ഒരു ഗോളിന് പിന്നില്‍ നിന്നശേഷം ഗലാതസാരെയെ ബാഴ്‌സലോണ ഒന്നിനെതിരേ നാലു ഗോളുകള്‍ക്ക് തകര്‍ത്തു വിട്ടപ്പോള്‍ ആഴ്‌സണല്‍ ഫ്രഞ്ച് ക്ലബ്ബ് ലില്ലിയെ ഏകപക്ഷീയമായ മൂന്ന് ഗോളുകള്‍ക്ക് തോല്‍പ്പിച്ചുവിട്ടു.
ബാഴ്‌സിലോണയ്ക്ക് എതിരേ കളിയുടെ ആദ്യഘട്ടത്തില്‍ തന്നെ റാഫേല്‍ ലിയാവോയുടെ പാസില്‍ നിന്ന് അലക്‌സി ബാത്രക്കോവ് നേടിയ ഗോളിലൂടെ ഗലാതസാരെ മുന്നിലെത്തി. ബാരിസ് ആല്‍പര്‍ യില്‍മാസ് നേടിയ രണ്ടാമത്തെ ഗോള്‍ വി.എ.ആര്‍ പരിശോധനയില്‍ റദ്ദാക്കി. ആദ്യ പകുതിക്ക് തൊട്ടുമുമ്പ് ജോവോ കാന്‍സെലോയിലൂടെ (43') ബാഴ്‌സ സമനില പിടിച്ചു.
രണ്ടാം പകുതിയില്‍ ഫെര്‍മിന്‍ ലോപ്പസ് (50'), ആന്റണി ഗോര്‍ഡന്‍ (53'), കരിം അഡെയെമി എന്നിവരിലൂടെ ബാഴ്‌സലോണ തകര്‍പ്പന്‍ വിജയം പൂര്‍ത്തിയാക്കി. ഹാന്‍സി ഫ്‌ലിക്കിന്റെ പരിശീലനത്തില്‍ 28 മത്സരങ്ങളില്‍ നിന്ന് 84 ഗോളുകള്‍ നേടിയ ബാഴ്‌സലോണ, മത്സരത്തില്‍ മൂന്ന് എന്ന കണക്കില്‍ ചാമ്പ്യന്‍സ് ലീഗില്‍ ഏറ്റവും മികച്ച ഗോള്‍ ശരാശരി എന്ന റെക്കോര്‍ഡും സ്വന്തമാക്കി.
മൂന്ന് മിനിറ്റുകള്‍ക്ക് ശേഷം യമാല്‍ നല്‍കിയ മനോഹരമായ അവസരം മുതലാക്കി ആന്റണി ഗോര്‍ഡന്‍ ബാഴ്‌സലോണയ്ക്കായുള്ള തന്റെ കന്നി ചാമ്പ്യന്‍സ് ലീഗ് ഗോള്‍ സ്‌കോര്‍ ചെയ്തു. തുടര്‍ന്ന് പകരക്കാരനായി ഇറങ്ങിയ കരിം അഡെയെമിയും ഗോള്‍ പട്ടികയില്‍ ഇടം പിടിച്ചതോടെ ബാഴ്‌സലോണയുടെ വിജയം പൂര്‍ത്തിയായി. ഈ വിജയത്തോടെ ചാമ്പ്യന്‍സ് ലീഗില്‍ ഹാന്‍സി ഫ്‌ലിക്കിന് കീഴില്‍ ബാഴ്‌സലോണ 28 മത്സരങ്ങളില്‍ നിന്ന് 84 ഗോളുകള്‍ പൂര്‍ത്തിയാക്കി. ടൂര്‍ണമെന്റിന്റെ ചരിത്രത്തില്‍ ഒരു മാനേജര്‍ക്ക് കീഴില്‍ 20-ലധികം മത്സരങ്ങള്‍ കളിച്ച ക്ലബ്ബുകളില്‍ ഏറ്റവും ഉയര്‍ന്ന ഗോള്‍ ശരാശരി എന്ന റെക്കോര്‍ഡും ബാഴ്‌സ സ്വന്തമാക്കി.
എമിറേറ്റ്‌സ് സ്റ്റേഡിയത്തില്‍ നടന്ന പോരാട്ടത്തില്‍ ലില്ലെയെ തോല്‍പ്പിച്ച് അഴ്‌സനല്‍ തങ്ങളുടെ വിജയത്തുടര്‍ച്ച നിലനിര്‍ത്തി. രണ്ടാം പകുതിയിലെ ഏഴ് മിനിറ്റിനിടെയാണ് അഴ്‌സനല്‍ മൂന്ന് ഗോളുകള്‍ നേടിയത്. 64-ാം മിനിറ്റില്‍ നോനി മദുവെക്കെയുടെ പാസില്‍ നിന്ന് മനോഹരമായ ഫിനിഷിംഗിലൂടെ ജുറിയന്‍ ടിംബര്‍ അഴ്‌സനലിന്റെ ആദ്യ ഗോള്‍ നേടി.67-ാം മിനിറ്റില്‍ പകരക്കാരനായി ഇറങ്ങിയ ബുകായോ സാകയുടെ ക്രോസില്‍ നിന്ന് ഇംഗ്ലണ്ട് താരം എബെറെച്ചി എസെ ലീഡ് ഉയര്‍ത്തി. 71-ാം മിനിറ്റില്‍ സാക തന്നെ അഴ്‌സനലിന്റെ മൂന്നാം ഗോളും സ്‌കോര്‍ ചെയ്തു. രണ്ടാം പകുതിയില്‍ പകരക്കാരായി ഇറങ്ങിയ സാക, കായ് ഹാവെര്‍ട്‌സ്, മാര്‍ട്ടിന്‍ ഒഡെഗാര്‍ഡ് എന്നിവരുടെ മികച്ച പ്രകടനം അഴ്‌സനലിന് തകര്‍പ്പന്‍ വിജയം
64-ാം മിനിറ്റില്‍ നോനി മദുവെക്കെ നല്‍കിയ പാസ് സ്വീകരിച്ച് ഡച്ച് പ്രതിരോധ താരം ജുറിയന്‍ ടിംബറാണ് അഴ്‌സനലിന്റെ ഗോള്‍ വേട്ടയ്ക്ക് തുടക്കമിട്ടത്. മൂന്ന് മിനിറ്റുകള്‍ക്ക് ശേഷം പകരക്കാരനായി ഇറങ്ങിയ ബുകായോ സാകയുടെ മനോഹരമായ ക്രോസില്‍ നിന്ന് എബെറെച്ചി എസെ ടീമിന്റെ രണ്ടാം ഗോള്‍ നേടി. ആദ്യ മത്സരത്തില്‍ നാപ്പോളിയെ തോല്‍പ്പിച്ച അഴ്‌സനലിനായി 71-ാം മിനിറ്റില്‍ സാക തന്നെ മൂന്നാം ഗോളും അടിച്ചതോടെ ലില്ലെയുടെ തിരിച്ചുവരവ് പ്രതീക്ഷകള്‍ അസ്തമിച്ചു.
Comments