മുംബൈ: മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് മുംബൈയിൽ നടന്ന പ്രതിഷേധത്തിൽ പങ്കെടുത്തതിനെ തുടർന്ന് ബോളിവുഡ് നടൻ ഇമ്രാൻ ഖാനോട് ഒക്ടോബർ 28-നകം ഇന്ത്യ വിടാൻ ആവശ്യപ്പെട്ടു. പ്രതിഷേധത്തിൽ പങ്കാളിയായതിനെ തുടർന്ന് ഫോറിനേഴ്സ് ആക്ട് (ഇമിഗ്രേഷൻ നിയമം) പ്രകാരമാണ് നടൻ ഇമ്രാൻ ഖാനെ മുംബൈ പോലീസ് കസ്റ്റഡിയിലെടുത്തത്.
നടൻ ആമിർ ഖാന്റെ അനന്തരവനായ ഇമ്രാൻ ഖാൻ യുഎസ് പൗരത്വമുള്ള ആളാണെങ്കിലും ഓവർസീസ് സിറ്റിസൺ ഓഫ് ഇന്ത്യ (ഒസിഐ) കാർഡുടമയാണ്. ഇന്ത്യയിൽ ജീവിക്കാനും ചില ആനുകൂല്യങ്ങൾ അനുഭവിക്കാനും അനുവാദമുണ്ടെങ്കിലും, അവർക്ക് ഇന്ത്യൻ പൗരന്മാരുടെ അതേ രാഷ്ട്രീയ അവകാശങ്ങളില്ല, കൂടാതെ നിയമപരമായ നിയന്ത്രണങ്ങൾക്ക് വിധേയരുമാണ്.
പ്രതിഷേധത്തിൽ പങ്കെടുത്തതിനെ ചോദ്യം ചെയ്തും മുൻ ബിജെപി എംപി കിരിത് സോമയ്യ നടനെതിരെ നടപടി ആവശ്യപ്പെട്ടിരുന്നു. ഇയാൾക്കെതിരെ ഇമിഗ്രേഷൻ നടപടികൾ സ്വീകരിക്കണമെന്ന് ആവശ്യപ്പെട്ട് സോമയ്യ അധികൃതരെ സമീപിക്കുകയും ചെയ്തു. നോട്ടീസ് പ്രകാരം ഒക്ടോബർ 28-നകം ഇന്ത്യ വിടാൻ ഖാനോട് ആവശ്യപ്പെട്ടിട്ടുണ്ട്. ഈ സംഭവം വിദേശ പൗരന്മാരുടെയും അവരുടെ രാഷ്ട്രീയ പ്രവർത്തന പങ്കാളിത്തത്തെയും സംബന്ധിച്ച നിയമങ്ങളിലേക്ക് വീണ്ടും ശ്രദ്ധ തിരിച്ചിരിക്കുകയാണ്.
ഒക്ടോബർ 10-ന് മുംബൈയിലെ ഓഗസ്റ്റ് ക്രാന്തി മൈതാനത്ത് നടന്ന പ്രതിഷേധത്തിൽ പങ്കെടുത്തവരിൽ ഖാനും ഉണ്ടായിരുന്നു.എസ്‌ഐ‌ആറിനെ എതിർത്തും ഗ്യാനേഷ് കുമാറിന്റെ രാജി ആവശ്യപ്പെട്ടുമാണ് ഈ പ്രതിഷേധം സംഘടിപ്പിച്ചത്. മറ്റ് പ്രതിഷേധക്കാർക്കൊപ്പം ഖാനെയും മുംബൈ പോലീസ് കസ്റ്റഡിയിലെടുത്തിരുന്നു. ചീഫ് ഇലക്ഷൻ കമ്മീഷണർക്കും വോട്ടർ പട്ടിക പരിഷ്കരണത്തിനുമെതിരെയുള്ള പ്രതിഷേധങ്ങൾ രാജ്യത്തിന്റെ വിവിധ ഭാഗങ്ങളിൽ ശക്തമാകുന്നതിനിടയിലാണ് നടനെ കസ്റ്റഡിയിലെടുത്തത്.
Comments