27-ാം വിവാഹവാര്‍ഷികം ആഘോഷിക്കുകയാണ് ബോളിവുഡ് താരം മാധുരി ദീക്ഷിത്തും ഭര്‍ത്താവും ഡോക്ടറുമായ ശ്രീറാം മാധവ് നെനെയും. ഇപ്പോഴിതാ മാധുരിക്ക് ആശംസകള്‍ നേര്‍ന്നുകൊണ്ട് ഭര്‍ത്താവ് സമൂഹമാധ്യമത്തില്‍ പങ്കുവെച്ച കുറിപ്പാണ് ശ്രദ്ധനേടുന്നത്. കാലിഫോര്‍ണിയയിലെ ബെവര്‍ലി ഹില്‍സ് കോടതിയില്‍ വെച്ച് നടന്ന വിവാഹത്തിന്റെ മനോഹരമായ ചിത്രങ്ങളും ശ്രീറാം കുറിപ്പിനൊപ്പം പങ്കുവെച്ചിട്ടുണ്ട്.
27 വര്‍ഷങ്ങള്‍ക്ക് മുന്‍പ് നടന്ന ലളിതമായ വിവാഹച്ചടങ്ങുകളുടെ ഓര്‍മ്മകള്‍ പങ്കുവെച്ചുകൊണ്ട് ശ്രീറാം കുറിച്ച വരികള്‍ ഇതിനോടകം ആരാധകര്‍ ഏറ്റെടുത്തിട്ടുണ്ട്. മോതിരം മാറ്റുന്നതും കുടുംബാംഗങ്ങള്‍ക്കും സുഹൃത്തുക്കള്‍ക്കുമൊപ്പം ആഘോഷിക്കുന്നതുമായ ചിത്രങ്ങളാണ് അദ്ദേഹം പോസ്റ്റ് ചെയ്തത്.
"27 വര്‍ഷങ്ങള്‍ക്ക് മുന്‍പ് ഇതേ ദിവസം, ബെവര്‍ലി ഹില്‍സ് കോടതിയില്‍ വെച്ച് ഞങ്ങള്‍ 'ഞാന്‍ സമ്മതിക്കുന്നു' എന്ന് പറഞ്ഞ് ഒരു ജീവിതകാലത്തെ സാഹസികയാത്രയ്ക്ക് തുടക്കമിട്ടു.
ജീവിതം നമ്മെ എവിടേക്ക് നയിക്കുമെന്ന് ഞങ്ങള്‍ക്ക് യാതൊരു ധാരണയും ഇല്ലായിരുന്നു, എന്നാല്‍ ഒരുമിച്ച് അത് അനുഭവിക്കാന്‍ ഞങ്ങള്‍ ആഗ്രഹിച്ചു എന്ന് ഞങ്ങള്‍ക്ക് അറിയാമായിരുന്നു. രണ്ട് അത്ഭുതകരമായ മക്കള്‍, എണ്ണമറ്റ ഓര്‍മ്മകള്‍, ചില വെല്ലുവിളികള്‍, ധാരാളം ചിരികള്‍, സ്‌നേഹം നിറഞ്ഞ ഒരു ജീവിതം - ഇതിനുശേഷവും ഞാന്‍ വീണ്ടും നിന്നെത്തന്നെ തിരഞ്ഞെടുക്കും.
ഞങ്ങള്‍ പങ്കുവെച്ച മനോഹരമായ യാത്രയ്ക്കും വരാനിരിക്കുന്ന എല്ലാ അധ്യായങ്ങള്‍ക്കും വേണ്ടി. എന്റെ പ്രണയത്തിന് 27-ാം വാര്‍ഷികാശംസകള്‍. അനന്തതയിലേക്ക്, ഒരുമിച്ച്." - എന്നിങ്ങനെയായിരുന്നു നെനെ കുറിച്ചത്.
നിരവധി പേരാണ് ദമ്പതികള്‍ക്ക് ആശംസകള്‍ അറിയിച്ചിട്ടുള്ളത്. 1999 ലായിരുന്നു മാധുരിയും ശ്രീറാം നെനെയും വിവാഹിതരായത്. അരിന്‍, റയാൻ എന്നിങ്ങനെ രണ്ടു മക്കളാണ് ഇവർക്കുള്ളത്.
Comments