ന്യൂഡൽഹി: സിജെപി സ്ഥാപകൻ അഭിജിത് ദിപ്കെയും ഐസ നേതാവ് നേഹ ബോറയും ചേർന്ന നടത്തിയ വാർത്താ സമ്മേളനമാണ് ബഹളത്തിൽ കലാശിച്ചത്. പരിപാടിക്കിടെ പങ്കെടുത്ത ചിലർ തടസ്സമുണ്ടാക്കുന്ന രീതിയിൽ മുദ്രാവാക്യം വിളിക്കുകയും, തുടർന്ന് ഇവരെ പുറത്താക്കാൻ ബോറ ആവശ്യപ്പെടുകയും ചെയ്തു.
വെള്ളിയാഴ്ച (ഒക്ടോബർ 16) ഡൽഹിയിലെ കണാട്ട് പ്ലേസിലുള്ള സെൻട്രൽ പാർക്കിൽ നടത്താൻ നിശ്ചയിച്ചിരിക്കുന്ന സി.ജെ.പിയുടെ 'ലെഹ്രാ ദോ തിരംഗ' പ്രതിഷേധ മാർച്ചിന് തലേദിവസമായ വ്യാഴാഴ്ചയാണ് കോക്ക്റോച്ച് ജനതാ പാർട്ടി (സിജെപി) സ്ഥാപകൻ അഭിജിത് ദിപ്കെ, ഐസ അധ്യക്ഷ നേഹ ബോറ എന്നിവരുടെ സംയുക്ത വാർത്താ സമ്മേളനത്തിൽ ബഹളമുണ്ടായത്.
ഇരു നേതാക്കളും മാധ്യമങ്ങളെ അഭിസംബോധന ചെയ്യുന്നതിനിടെ, നേഹ ബോറ സംസാരിക്കാൻ തുടങ്ങുന്നതിന് തൊട്ടുമുമ്പ് വാർത്താ സമ്മേളനത്തിലുണ്ടായിരുന്ന ചിലർ "നിർത്തൂ... ഇവിടെനിന്ന് സ്ഥലവിടു" എന്ന് ഉറക്കെ വിളിച്ചുപറയാൻ തുടങ്ങി. ഇതിനെത്തുടർന്ന്, ബഹളമുണ്ടാക്കിയവരെ പുറത്താക്കാൻ ഐസ ദേശീയ അധ്യക്ഷ മാനേജ്‌മെന്റിനോട് ആവശ്യപ്പെട്ടു.
മാധ്യമങ്ങളോട് സംസാരിച്ച അഭിജിത് ദിപ്കെ, കഴിഞ്ഞ 10-15 ദിവസങ്ങളായി രാജ്യത്തെ യുവാക്കൾ ഡൽഹിയിൽ പ്രതിഷേധിക്കുകയാണെന്നും അധികൃതർ അവരെ ബലമായി പിടിച്ചുകൊണ്ടുപോകുകയാണെന്നും ആരോപിച്ചു. ഒക്ടോബർ 10-ലെ പ്രതിഷേധ ആഹ്വാനത്തെ തുടർന്ന് റെയിൽവേ സേവനങ്ങൾ നിർത്തിവെച്ചതായും ഡൽഹിയിലുടനീളമുള്ള മെട്രോ സർവീസുകളും നിരവധി സ്റ്റേഷനുകളും അടച്ചതായും അദ്ദേഹം ആരോപിച്ചു. ജമ്മു കശ്മീരിൽ നിന്നുള്ള സേനയെ ദേശീയ തലസ്ഥാനത്ത് വിന്യസിച്ചതിനെയും സിജെപി സ്ഥാപകൻ ചോദ്യം ചെയ്തു.
മുൻ മുഖ്യമന്ത്രിമാരായ മമതാ ബാനർജി, അരവിന്ദ് കെജ്‌രിവാൾ, പിണറായി വിജയൻ എന്നിവരുൾപ്പെടെ പ്രക്ഷോഭത്തിൽ പങ്കെടുത്ത പ്രതിപക്ഷ നേതാക്കളെയും കസ്റ്റഡിയിലെടുത്തതായി അദ്ദേഹം അവകാശപ്പെട്ടു. ത്രിവർണ്ണ പതാക ഉയർത്തുന്നത് പോലും നിയമലംഘനമാണെന്ന് പറയുന്നു. ആർക്കുവേണ്ടിയാണിത്, ഗ്യാനേഷ് കുമാറിന് വേണ്ടിയാണോ എന്നും ദിപ്കെ ചോദിച്ചു. സർക്കാർ ഡൽഹിയെ നിശ്ചലമാക്കി, റെയിൽവേ അടച്ചുപൂട്ടി, മെട്രോ അടച്ചുപൂട്ടി, ഡൽഹിയെ ഇന്ത്യ-പാകിസ്ഥാൻ അതിർത്തി പോലെയാക്കി മാറ്റി. എല്ലാ സേനകളെയും നിങ്ങൾ ഡൽഹിയിലേക്ക് വിളിപ്പിച്ചിരിക്കുകയാണ് എന്നും ദിപ്കെ പറഞ്ഞു.
Comments