തെന്നിന്ത്യയിലും ബോളിവുഡിലും നിരവധി ആരാധകരുള്ള താരമാണ് രാശ്മിക മന്ദാന. നാഷണൽ ക്രഷ് എന്ന് വിളിപ്പേരുള്ള താരത്തിന്റെ എല്ലാ വിശേഷങ്ങളും നിറഞ്ഞ സന്തോഷത്തോടെയാണ് ആരാധകര്‍ ഏറ്റെടുക്കാറുള്ളത്. വിജയ് ദേവരകൊണ്ടയുമായുള്ള താരത്തിന്റെ പ്രണയവും പിന്നീടെത്തിയ വിവാഹവുമെല്ലാം ആരാധകര്‍ ആഘോഷിച്ചിരുന്നു.
വിവാഹത്തിനു ശേഷം താരദമ്പതിമാര്‍ ആദ്യമായി ഒരുമിക്കുന്ന ചരിത്ര നാടക സിനിമയാണ് ‘രണബാലി’. അതുകൊണ്ടുതന്നെ ഈ ചിത്രത്തിനു വേണ്ടി ആവേശത്തോടെ കാത്തിരിക്കുകയാണ് ആരാധകര്‍. പ്രൊമോഷന്റെ ഭാഗമായി താരദമ്പതിമാര്‍ നല്‍കുന്ന അഭിമുഖങ്ങളും സോഷ്യല്‍ മീഡിയയില്‍ തരംഗമാണ്.
ഇപ്പോഴിതാ ‘രണബാലി’യുടെ പ്രൊമോഷനുകളില്‍ നിന്ന് ഇടവേളയെടുത്ത്, ആഭരണ ബ്രാൻഡായ സ്വരോവ്‌സ്‌കി സംഘടിപ്പിച്ച ദീപാവലി ആഘോഷത്തില്‍ തിളങ്ങുന്ന രാശ്മികയുടെ ചിത്രങ്ങളാണ് സോഷ്യല്‍ മീഡിയയില്‍ തരംഗമാകുന്നത്. ആഘോഷവേളയ്ക്ക് ഉത്സവപ്രൗഢിയും തിളക്കമാർന്ന ചാരുതയും നല്‍കി മനോഹരമായ സാരി-ഗൗൺ വേഷത്തിലാണ് താരം ചടങ്ങിലെത്തിയത്. സ്വരോവ്‌സ്‌കിയുടെ ഇന്ത്യൻ ബ്രാൻഡ് അംബാസഡറായ രാശ്മിക ഡിസൈനർ അമിത് അഗർവാൾ ഡിസൈന്‍ ചെയ്ത മിഡ്നൈറ്റ് സാരിയിലാണ് തിളങ്ങിയത്.
മിഡ്നൈറ്റ്-ബ്ലൂ ക്രിസ്റ്റൽ കോർസെറ്റ് ശൈലിയിലുള്ള ബനാറസി ഡ്രേപ്പാണിത്. കോർസെറ്റിന്റെ സവിശേഷത, സ്‌ട്രാപ്പ്‌ലെസ് ഡിസൈൻ, ഫിഗർ ഹഗ്ഗിംഗ് സിലൗറ്റ്, ബോഡിസിൽ അലങ്കരിച്ച ആയിരക്കണക്കിന് തിളങ്ങുന്ന ക്രിസ്റ്റലുകള്‍ ഒക്കെ ഈ കസ്റ്റം മേയ്ഡ് ഔട്ട്ഫിറ്റിന്റെ തിളക്കം കൂട്ടുന്നു. സാരിയുടെ പല്ലു കൈകള്‍ക്ക് മുകളിലൂടെ ദുപ്പട്ടയുടെ സ്റ്റൈലിലാണ് താരം അണിഞ്ഞിരിക്കുന്നത്.
ഔട്ട്ഫിറ്റിനൊപ്പം രണ്ട് മനോഹരമായ നെക്ലേസുകൾ, ഒരു മനോഹരമായ ഇയർ ചെയിൻ, നിരവധി ജോഡി കോക്ക്ടെയിൽ മോതിരങ്ങൾ, ഒരു മനോഹരമായ ബ്രേസ്ലെറ്റ്, ഒരു സ്റ്റൈലിഷ് വാച്ച് എന്നിവയും താരം ആക്സസറീസാക്കിയിട്ടുണ്ട്. ആകര്‍ഷകമായ മിനിമൽ മേക്കപ്പ് ലുക്കും താരത്തിന്റെ അഴക് കൂട്ടുന്നുണ്ട്.
Comments