തിരുവനന്തപുരം: കേരളത്തിലെ പെപ്സി, കൊക്കക്കോള ഉത്പന്നങ്ങളുടെ വില്പ്പന നിര്ത്താന് തീരുമാനിച്ചതായി വ്യാപാരികള്. സംസ്ഥാനത്തെ ഏഴ്ലക്ഷം വ്യാപാരികളാണ് വില്പ്പന നിര്ത്താന് ഒരുങ്ങുന്നത്. വിഷയത്തില് മുഖ്യമന്ത്രിയുമായി ചൊവ്വാഴ്ച കൂടിക്കാഴ്ച നടത്തുന്നുണ്ടെന്നും ഇതിനു ശേഷമാകും എന്നു മുതലാണ് ഉത്പന്നങ്ങളുടെ വില്പ്പന നിര്ത്തുക എന്ന് തീരുമാനിക്കുകയെന്നും കേരളാ വ്യാപാരി വ്യവസായി ഏകോപന സമതി അധ്യക്ഷന് ടി.നസ്റുദ്ദീന് അറിയിച്ചു. പെപ്സിയ്ക്കും കോളയ്ക്കും പകരം കടകളില് നാടന് പാനീയങ്ങളും കരിക്കും വില്ക്കാനാണ് തീരുമാനമെന്നും അദ്ദേഹം വ്യക്തമാക്കി.
അയല് സംസ്ഥാനങ്ങളായ തമിഴ്നാട്ടിലെയും കര്ണാടകത്തിലെയും വ്യാപാരികള് പെപ്സി, കൊക്കോ കോള ഉത്പന്നങ്ങളുടെ വില്പ്പന നിര്ത്തിയിരുന്നു. കേരളത്തിലും ഈ ഉത്പന്നങ്ങള് ബഹിഷ്കരിക്കണമെന്ന് ആവശ്യപ്പെട്ട് അവിടുത്തെ വ്യാപാരികള് തന്നെ സമീപിച്ചിരുന്നുവെന്നും നസ്റുദ്ദീന് പറഞ്ഞു.
കടുത്ത വരള്ച്ചയിലും ശീതളപാനീയ കമ്പനികള് നടത്തുന്ന വര്ധിച്ച ജലചൂഷണത്തില് പ്രതിഷേധിച്ചാണ് ബഹുരാഷ്ട്ര കമ്പനികളുടെ ഉത്പന്നങ്ങളുടെ വില്പ്പന നിര്ത്തിവയ്ക്കാന് വ്യാപാരികള് തീരുമാനിച്ചിരിക്കുന്നത്. അടുത്ത ചൊവ്വാഴ്ച ഇക്കാര്യത്തില് അന്തിമ തീരുമാനം എത്തുന്നതോടെ പെപ്സി, കൊക്കോ കോള ഉത്പന്നങ്ങളുടെ വില്പ്പന കേരളത്തില് നിര്ത്തിവയ്ക്കും. മാലിന്യ സംസ്കരണത്തില് ശരിയായ നടപടികള് സ്വീകരിക്കാന് ബഹുരാഷ്ട്ര കമ്പനികള് തയ്യാറാകുന്നില്ലെന്നും ഇവര് വന് തോതില് ജലചൂഷണം നടത്തുന്നത് കേരളത്തില് വരള്ച്ചയ്ക്ക് കാരണമാകുന്നുവെന്നും ടി.നസ്റുദ്ദീന് കൂട്ടിച്ചേര്ത്തു.
