പനാജി: കോണ്ഗ്രസിനെതിരെ രൂക്ഷ പരിഹാസവുമായി ഗോവ മുഖ്യമന്ത്രി മനോഹര് പരീക്കര്. അവധി ആഘോഷിക്കാന് ഗോവയില് എത്തിയാല് ഇങ്ങനെയിരിക്കും എന്നാണ് കോണ്ഗ്രസിന്റെ അവസ്ഥയില് പരീക്കര് പരിഹസിച്ചത്. വിശ്വാസവോട്ടെടുപ്പ്നേടിയ ശേഷമാണ് കോണ്ഗ്രസ് നേതൃത്വത്തിനെതിരെ രൂക്ഷ പരിഹാസം പരീക്കര് ഉയര്ത്തിയത്.
17 എംഎല്എ മാരുള്ള കോണ്ഗ്രസിനെ മറികടന്നാണ്13 എംഎല്എ മാര് മാത്രമുള്ള ബിജെപി ഗോവയില് അധികാരത്തിലെത്തിയത്. പ്രാദേശിക പാര്ട്ടികളുടെ പിന്തുണയോടുകൂടിയാണ് ബിജെപി, സര്ക്കാര് രൂപീകരിച്ചത്. പരീക്കര് സര്ക്കാരിനു വിശ്വാസവോട്ടെടുപ്പില് വിജയിക്കാന് കഴിയില്ലെന്ന ഗോവയിലെ കോണ്ഗ്രസിന്റെ ചുതമല വഹിക്കുന്ന ദിഗ്വിജയ് സിങിന്റെ പ്രസ്താവന ചൂണ്ടിക്കാട്ടിയാണ് പരീക്കര് രൂക്ഷ പരിഹാസം ഉയര്ത്തിയത്.
