ഇന്ത്യന് അരങ്ങേറ്റത്തിന്റെ മൂന്നാം വാര്ഷികം പ്രമാണിച്ച് 'ഡാറ്റ്സന് ഗോ'യുടെയും 'ഗോ പ്ലസി' ന്റെയും പ്രത്യേക പതിപ്പുകള് നിരത്തിലെത്തുന്നു. നിസാന്റെ ബജറ്റ് ബ്രാന്ഡുകൂടിയാണ് ഡാറ്റ്സണ്.
റഗുലര് മോഡലില് നിന്നും രൂപത്തില് മാത്രമാണ് ചെറിയ മാറ്റങ്ങള് ഉള്പ്പെടുത്തിയിരിക്കുന്നത്. കാറിന്റെ കാബിനില് ഉപയോക്താവിന്റെ താല്പര്യാനുസരണം ക്രമീകരിക്കാവുന്ന മൂഡ് ലൈറ്റിങ്ങിനായി മൊബൈല് ഫോണ് വഴി നിയന്ത്രിക്കാവുന്ന ആംബിയന്റ് ലൈറ്റിങ് ആപ്ലിക്കേഷനാണ് വാഹനത്തിന്റെ പ്രത്യേക സവിശേഷത എന്നു വേണം പറയാന്.
പുതിയ ബോഡി ഗ്രാഫിക്സ്, ആനിവേഴ്സറി എഡിഷന് ബാഡ്ജ്, ഡാഷ്ബോര്ഡിനും അപ്ഹോള്സ്ട്രെയ്ക്കും ചൂറ്റിലും നീല ലൈനിങ്, ലെതര് സീറ്റ്, ആനിവേഴ്സറി ഫ്ളോര് മാറ്റ്, ബ്ലൂടുത്ത് കണക്റ്റിവിറ്റി, റിയര് പാര്ക്കിങ് സെന്സര്, സ്പോയിലര് എന്നിവ സ്പെഷ്യല് പതിപ്പില് ഉള്പ്പെടുത്തിയിട്ടുണ്ട്.
