നാട്ടിലെ കപ്പലണ്ടി വില്പ്പനക്കാരനെ ആരേലൂം നോക്കുമോ? പക്ഷേ തുര്ക്കിയിലെ ഈ തെരുവ് കച്ചവടക്കാരന് ഇപ്പോള് ടൂറിസ്റ്റ് അട്രാക്ഷനാണ്. ലോകത്തുടനീളമുള്ള അനേകം സ്ത്രീകളാണ് ഇദ്ദേഹത്തെ സ്വപ്ന കാമുകനാക്കി മാറ്റിയിരിക്കുന്നത്. സിനിമാതാരങ്ങളെ വെല്ലുന്ന ലുക്കുള്ള, ഇസ്താംബൂളിലെ കാരക്കോയിലുള്ള ചോളവും കസ്റ്റനറ്റും വില്ക്കുന്ന, 25 കാരനായ അല്പര് തെമല് ആണ് ഈ തെരുവ് കച്ചവടക്കാരന്.
സംഭവത്തിന് കാരണമായി മാറിയിരിക്കുന്നത് ഇദ്ദേഹത്തിന്റെ സൗന്ദര്യമാണ്. മില്സ് ആന്ഡ് ബൂണ് നായകന്റെ ലുക്കുകളുള്ള ഇസ്താംബൂളിലെ വൈറല് തെരുവ് കച്ചവടക്കാരന് നഗരത്തിലെ ഏറ്റവും വലിയ ആകര്ഷണമാണ്. അദ്ദേഹത്തിന്റെ സൗന്ദര്യം വലിയ ചര്ച്ചയായി മാറിയതോടെ തുര്ക്കിയിലേക്ക് യാത്ര ഒരുക്കുന്ന ചില ട്രാവല് ഏജന്സികള് ഇസ്താംബൂള് ടൂര് പാക്കേജിന്റെ ഭാഗമായി അദ്ദേഹത്തിന്റെ സ്റ്റാള് സന്ദര്ശിക്കുന്നതും ഉള്പ്പെടുത്തിത്തുടങ്ങിയിട്ടുണ്ട്. ഈ പുതിയ തരംഗത്തെ കാണാനും സെല്ഫികള്ക്കും വീഡിയോകള്ക്കുമായി വിനോദസഞ്ചാരികള് മത്സരമാണ്.
ഇസ്താംബൂളിലെ ചോളവും ചെസ്റ്റ്നട്ടും വില്ക്കുന്ന അല്പര് തെമല്, തന്റെ ആകര്ഷകമായ രൂപം കൊണ്ട് വൈറലായതിനെത്തുടര്ന്ന് വിനോദസഞ്ചാരികള് ഇസ്താംബൂളിലെ ഏറ്റവും പ്രശസ്തമായ ചില ലാന്ഡ്മാര്ക്കുകളേക്കാള് കൂടുതല് ആളുകളെ അദ്ദേഹം ആകര്ഷിക്കുന്നതായിട്ടാണ് റിപ്പോര്ട്ടുകള്. നിര്ബന്ധമായും സന്ദര്ശിക്കേണ്ട ഒരിടമായി അദ്ദേഹത്തിന്റെ കട മാറിയിരിക്കുന്നു.
നഗരത്തിലെ 'ഏറ്റവും മികച്ച വിനോദസഞ്ചാര ആകര്ഷണം' എന്നാണ് അദ്ദേഹം വിളിക്കപ്പെടുന്നത്. തന്റെ ആകര്ഷകമായ ലുക്ക് കൊണ്ട് ടിക്ടോക്കിലും ഇന്സ്റ്റാഗ്രാമിലും ഏറ്റവും പുതിയ തരംഗമായി മാറിയിരിക്കുന്നു.
യാത്രികര് അദ്ദേഹത്തോടൊപ്പം സെല്ഫികളും വീഡിയോകളും എടുക്കാനായി ക്യൂ നില്ക്കുകയാണ്. ഇന്സ്റ്റാഗ്രാമില് 934 കെയിലധികം ഫോളോവേഴ്സുള്ള അദ്ദേഹത്തിന്റെ ഓരോ പോസ്റ്റിനും ദശലക്ഷക്കണക്കിന് ലൈക്കുകളാണ് ലഭിക്കുന്നത്. എല്ലാവരും കാണേണ്ട തരത്തിലുള്ള ലുക്കുകളാണ് അദ്ദേഹം കാഴ്ചവെക്കുന്നതെന്നാണ് ഇന്റര്നെറ്റ് ലോകത്തിന്റെ വിലയിരുത്തല്. അദ്ദേഹത്തിന്റെ ഓരോ വീഡിയോയും ചിത്രവും വൈറലാകുന്നതായി കാണാം. 2017-ല് മാംസത്തില് ഉപ്പ് വിതറുന്ന വീഡിയോ വൈറലായതിനെത്തുടര്ന്ന് ആഗോള പ്രശസ്തി നേടിയത്.
25 കാരനായ അദ്ദേഹം അടുത്തിടെ പാരീസില് നിന്നുള്ള ചിത്രങ്ങള് പങ്കുവെച്ചപ്പോള് കമന്റ് ബോക്സില് സ്നേഹപ്രകടനങ്ങളുടെ പ്രവാഹമായിരുന്നു. വൈറല് തരംഗമാണെങ്കിലും അല്ലെങ്കിലും, വിനോദസഞ്ചാരികള് വെറുതെ സെല്ഫികള് എടുക്കാന് മാത്രം നില്ക്കാതെ അദ്ദേഹത്തിന്റെ സ്റ്റാളില് നിന്ന് എന്തെങ്കിലും വാങ്ങി അദ്ദേഹത്തിന്റെ ബിസിനസ്സിനെ പിന്തുണയ്ക്കുകയും വേണം.
