കോഴിക്കോട്: ചാരക്കേസില് ഗൂഢാലോചന നടത്തിയത് മുന് പ്രധാനമന്ത്രി നരസിഹറാവുവെന്ന് കെ. മുരളീധരന്. ചാരക്കേസില് കരുണാകരന് അനുഭവിച്ച മാനസിക പ്രയാസം കുടുംബത്തിന്റെ സ്വകാര്യ ദുഃഖമായി സഹിച്ചോളാം. ചാരക്കേസിന്റെ പേരില് പാര്ട്ടിയില് ഇനിയൊരു പ്രശ്നം ഉണ്ടാകരുതെന്നും മറ്റൊരു അഭ്യന്തരകലാപം കോണ്ഗ്രസ്സ് താങ്ങില്ലെന്നും മുരളീധരന് പറഞ്ഞു.
വിഴിഞ്ഞം കരാര് മുന്നണിയില് ചര്ച്ച ചെയ്ത ശേഷമാണ് നടപ്പാക്കിയത്. തിരുവനന്തപുരത്തെ നിയമസഭാ തെരഞ്ഞെടുപ്പ് ഫലം സൂചിപ്പിച്ചത് ഉമ്മന് ചാണ്ടിയുടെ തീരുമാനത്തിന് ജനങ്ങളുടെ പിന്തുണയുമുണ്ടായിരുന്നു എന്നാണ്. ഈ തീരുമാനം ശരിയാണന്ന് യുഡിഎഫും പാര്ട്ടിയും ആവര്ത്തിക്കുന്നു.
പദ്ധതിക്ക് പാരവച്ച ചിലര് ജുഡീഷ്യല് അന്വേഷണ സമിതിയില് ഉണ്ടെന്നും മുരളീധരന് പറഞ്ഞു.
കോഴിക്കോട് പത്രസമ്മേളനത്തില് സംസാരിക്കുകയായിരുന്നു അദ്ദേഹം. വിവാദം രാഷ്ട്രീയ കാര്യ സമിതിയില് ചര്ച്ച ചെയ്യേണ്ട ആവശ്യമില്ലെന്ന വി.ഡി.സതീശന്റെ അഭിപ്രായത്തെപ്പറ്റിയുള്ള ചോദ്യത്തിന് ഉത്തരം പറയുകയായിരുന്നു മുരളീധരന്. വിഴിഞ്ഞത്തിന്റെ ശരിതെറ്റുകളെ കുറിച്ച് ഇനി ചര്ച്ച വേണ്ട.' വി. ഡി. സതീശന് ഉദ്ദേശിച്ചത് രാഷ്ട്രീയ ഗൂഢാലോചനയെ കുറിച്ചായിരിക്കാമെന്നും പറഞ്ഞു.
