കൊച്ചി: നടിയെ ആക്രമിച്ച കേസില് മുഖ്യപ്രതി പള്സര് സുനി എന്ന സുനില് കുമാര് സിനിമ ലോകത്തെ ക്രിമിനല് ആയിരുന്നുവെന്ന് പോലീസിന്റെ കണ്ടെത്തല്. സിനിമയിലെ പിന്നാമ്പുറ ഇടപാടുകള്ക്ക് ചുക്കാന് പിടിച്ചിരുന്നത് ഇയാളുടെ നേതൃത്വത്തിലുള്ള ക്വട്ടേഷന് സംഘമായിരുന്നു. പ്രമുഖ നിര്മ്മാതാവിന്റെ ഭാര്യ അടക്കം മുന്പ് പല നടിമാരേയും ഇയാള് തട്ടിക്കൊണ്ടുപോയി എന്ന് പരാതി ഉയര്ന്നിട്ടും ഒരു നടപടിയുമുണ്ടാകാതെ സിനിമ ലോകത്ത് ഇയാള് വിലസിയത് സൂപ്പര് താരങ്ങള് അടക്കമുള്ളവര് പല ആവശ്യങ്ങള്ക്കും ഇയാളെ ഉപയോഗിച്ചിട്ടുള്ളതിനാല്. പരുടെ പല രഹസ്യങ്ങളും ഇയാള്ക്ക് അറിയാമെന്നതിനാലും ഭാവിയില് പല ക്വട്ടേഷനും ഇയാളെ ആവശ്യമുള്ളതിനാലുമാണ് പിണക്കാന് 'അമ്മ'യിലെ സൂപ്പര് താരങ്ങള് മടിച്ചതെന്നാണ് റിപ്പോര്ട്ട്.
ഡ്രൈവേഴ്സ് ക്ലബ് എന്ന പേരിലാണ് സിനിമയില് സുനിയുടെ ക്വട്ടേഷന് സംഘം പ്രവര്ത്തിച്ചിരുന്നത്. 2010ല് സുനി തന്നെയാണ് ഡ്രൈവേഴ്സ് ക്ലബ് രുപീകരിച്ചത്. 20നും 25നും മധ്യേ പ്രായമുള്ള 18 പേര് ഈ ക്ലബില് അംഗങ്ങളായിരുന്നു. എറണാകുളം ജില്ലയിലെ പൊന്നുരുന്നിയില് വീടെടുത്താണ് ഇവര് താമസിച്ചിരുന്നത്. പല ക്രിമിനല് കേസുകളിലും പ്രതികളാണ് ഇവര്.
സിനിമകളിലേക്ക് ആവശ്യമുള്ള ഡ്രൈവര്മാരേയും സൂപ്പര് താരങ്ങളുടെ ബോഡി ഗാര്ഡിനേയും വിതരണം ചെയ്തിരുന്നത് ഈ ക്ലബില് നിന്നായിരുന്നു. താരങ്ങള്ക്കിടയിലെ തര്ക്കം പരിഹരിക്കാനും ഇവര് ഇടപെട്ടിരുന്നു. ക്ലബില് അംഗങ്ങളായിരുന്നവരെ പോലീസ് വിളിച്ചുവരുത്തി ചോദ്യം ചെയ്യുന്നുണ്ട്. സുനി പറയുന്നത്പോലെ തങ്ങള്ക്ക് പ്രവര്ത്തിക്കേണ്ടി വന്നിട്ടുണ്ടെന്നും ഇവര് മൊഴി നല്കിയെന്നാണ് റിപ്പോര്ട്ട്.
കൂടുതല് നടിമാരെ തട്ടിക്കൊണ്ടുപോയി ആക്രമിക്കാന് സുനി പദ്ധതിയിട്ടിരുന്നു. പീഡനരംഗം ചിത്രീകരിച്ച് പണം തട്ടുന്നതിന് വേണ്ടിയായിരുന്നു ഇത്. മറ്റാരുടെയും ക്വട്ടേഷനല്ല, സുനിയുടെ സ്വന്തം തീരുമാനങ്ങളായിരുന്നു ഇവ. 2011ല് നിര്മ്മാതാവിന്റെ ഭാര്യയെ തട്ടിക്കൊണ്ടുപോയത് ഈ ഉദ്ദേശത്തോടെയാണ്. ഒരു കോടി രൂപയാണ് പ്രതിഫലം ആവശ്യപ്പെട്ടിരുന്നത്.
സുനിയില് നിന്ന് ലഭിച്ച പുതിയ വിവരങ്ങളുടെ അടിസ്ഥാനത്തില് ഈ സ്വട്ടേഷന് സംഘം മുന്കാലത്ത് നടത്തിയ ആക്രമണങ്ങളെ കുറിച്ചും പോലീസ് അന്വേഷണം ആരംഭിച്ചിട്ടുണ്ട്. സിനിമയിലെ ഒരു അധോലോക ഗുണ്ടാ സംഘത്തെ പോലെയാണ് ഇവര് പ്രവര്ത്തിച്ചിരുന്നതെന്ന ഞെട്ടിക്കുന്ന വിവരങ്ങളാണ് പോലീസിന് ലഭിച്ചുകൊണ്ടിരിക്കുന്നത്.
അതേസമയം, ള്പസര് സുനിയുടെ ജാമ്യാപേക്ഷ ജാമ്യാപേക്ഷ പരിഗണിക്കുന്നത് അങ്കമാലി മജിസ്ട്രേറ്റ് കോടതി ഈ മാസം 24ലേക്ക് മാറ്റി
