കൊച്ചി: യുവനടിയെ ആക്രമിച്ച് അപകീര്ത്തികരമായ ദൃശ്യങ്ങള് പകര്ത്താന് ക്വട്ടേഷന് നല്കിയെന്ന കേസില് അറസ്റ്റിലായ നടന് ദിലീപിനെ ഇന്ന് കോടതിയില് ഹാജരാക്കുന്നതിന് പകരം വീഡിയോ കോണ്ഫറന്സിംഗ് നടത്തും. ആലുവ സബ്ജയിലിലെ വീഡിയോ കോണ്ഫറന്സിംഗ് സംവിധാനം തകരാറായതിനാല് ലാപ്ടോപ്പില് സ്കൈപ്പ് ആപ്ളിക്കേഷന് ഉപയോഗിച്ച് സാങ്കേതികമായിട്ടാകും ഹാജരാക്കുക. സുരക്ഷാകാരണങ്ങളാല് താരത്തെ കോടതിയില് ഹാജരാക്കാന് ബുദ്ധിമുട്ടു നേരിടുന്നതായി പോലീസ് നേരത്തേ കോടതിയില് പറഞ്ഞിരുന്നു.
പ്രതിയെ കോടതിയില് ഹാജരാക്കുന്നതിനു പകരം വീഡിയോ കോണ്ഫറന്സിങ് സൗകര്യം ഒരുക്കണമെന്ന പോലീസിന്റെ ആവശ്യം കോടതി അംഗീകരിച്ചിരുന്നു. സുരക്ഷാഭീഷണിയുള്ളതിനാല് നേരിട്ടു ഹാജരാക്കാനാകില്ലെന്നു കോടതിയെ അറിയിച്ചെങ്കിലും സുരക്ഷാ ഭീഷണി എന്തെന്നു വ്യക്തമാക്കാന് പോലീസ് തയാറായിട്ടില്ല. സംഭവത്തില് നടന് ദിലീപിന്റെ പങ്കിനു പ്രഥമദൃഷ്ട്യാ തെളിവുണ്ടെന്ന നിരീക്ഷണത്തോടെ െഹെക്കോടതി കഴിഞ്ഞ ദിവസം താരത്തിന്റെ ജാമ്യാപേക്ഷ തള്ളിയിരുന്നു. കൃത്യമായ ആസൂത്രണത്തോടെ നടത്തിയ ആക്രമണം അതീവ ഗുരുതരമാണ്.
ഗൂഢാലോചനയിലെ പങ്ക് തെളിയിക്കാന് സാഹചര്യത്തെളിവുകള് മതിയാകുമെന്നും ദിലീപിന്റെ ജാമ്യാപേക്ഷ തള്ളിക്കൊണ്ട് കോടതി പറഞ്ഞു. ഗുരുതര കുറ്റകൃത്യമാണു നടന്നത്. സൂക്ഷ്മമായ ആസൂത്രണവും ഗൂഢാലോചനയും നടന്നിട്ടുണ്ട്.
ഒരു സ്ത്രീക്കെതിരേ ഗുണ്ടകളെ ഉപയോഗിച്ച് നടത്തിയ ഹീനകൃത്യം എന്ന അപൂര്വതയും കോടതി പരാമര്ശിച്ചു. പ്രോസിക്യൂഷന് ഉന്നയിച്ച വാദങ്ങളില്നിന്നും ഹാജരാക്കിയ കേസ് ഡയറിയിലെ തെളിവുകളില്നിന്നും ഇക്കാര്യങ്ങളെല്ലാം വെളിവാകുന്നുവെന്നു നിരീക്ഷിച്ചാണു കോടതി, ഈ ഘട്ടത്തില് പ്രതിയെ ജാമ്യത്തില് പുറത്തുവിടാന് കഴിയില്ലെന്ന നിലപാടെടുത്തത്. പ്രതി സ്വാധീനശേഷിയുള്ള സിനിമാതാരമായതിനാല് സാക്ഷികളെ സ്വാധീനിച്ച് തെളിവുകള് നശിപ്പിച്ചേക്കുമെന്ന പ്രോസിക്യൂഷന്റെ വാദവും കോടതി അംഗീകരിച്ചു.
നടിയെ ഉപദ്രവിച്ച് അപകീര്ത്തികരമായ ദൃശ്യങ്ങള് പകര്ത്തിയ മൊെബെല് ഫോണ് കണ്ടെടുക്കാനുണ്ട്. പ്രതിയുടെ മാനേജര് അപ്പുണ്ണിയെയും പ്രതിക്കു ബന്ധമുള്ള അഭിഭാഷകനെയും വീണ്ടും ചോദ്യംചെയ്യേണ്ടതുണ്ട്.
കേസില് കൂടുതല് പ്രതികള് ഉണ്ടാകാനുള്ള സാധ്യതയും നിലനില്ക്കുന്നു. അന്വേഷണം പുരോഗമിക്കുകയാണെന്നും നിര്ണായക ഘട്ടത്തിലാണെന്നും ചൂണ്ടിക്കാട്ടിയാണു െഹെക്കോടതിയുടെ വിധി. െഹെക്കോടതി വിധിക്കെതിരേ സുപ്രീം കോടതിയെയോ വീണ്ടും മജിസ്ട്രേറ്റ് കോടതിയെയോ സമീപിക്കുകയാണ് ഇനി ദിലീപിനു മുന്നിലുള്ള വഴി. എന്നാല് അപൂര്വവും ക്രൂരവും ഗുരുതരവുമായ കുറ്റകൃത്യമാണ് നടിക്കെതിരേ ഉണ്ടായതെന്ന െഹെക്കോടതിയിടെ വിലയിരുത്തല് കേസിന്റെ മുന്നോട്ടുള്ള വഴിയില് നിര്ണായകമാകും.
െഹെക്കോടതിയുടെ നിരീക്ഷണങ്ങള് ഇവയായിരുന്നു
* കൃത്യമായി ആസൂത്രണം ചെയ്ത കുറ്റം.
* പ്രതിയുടെ വിവാഹജീവിതം തകര്ത്തതിന്റെ പ്രതികാരം.
* പ്രതിയുടെ പങ്കിനു പ്രഥമദൃഷ്ട്യാ തെളിവുകള്.
* ദൃശ്യങ്ങള് പകര്ത്തിയ മൊെബെല് ഫോണും മെമ്മറി കാര്ഡും നിര്ണായക തെളിവ്.
* അവ കണ്ടെടുക്കാന് സാധിച്ചിട്ടില്ല.
* ദേശീയപാതയില് നടി പീഡനത്തിനിരയായത് ഞെട്ടിപ്പിക്കുന്ന സംഭവം
* കുറ്റകൃത്യം നടപ്പാക്കിയ രീതി അങ്ങേയറ്റം ഹീനം.
* പ്രതിക്കു ജാമ്യം നല്കിയാല് സാക്ഷികളെ സ്വാധീനിക്കാന് സാധ്യത.
