മലപ്പുറം: ബൈക്കിലെത്തി സ്ത്രീയുടെ മാല പൊട്ടിച്ച് കടന്നുകളഞ്ഞയാളെ മലപ്പുറം പോലീസ് സ്പെഷല് സ്ക്വാഡ് അറസ്റ്റ് ചെയ്തു. കോട്ടയം പൊന്മല പാറത്തോട് ചാവരുപാറ വീട്ടില് കെ.ഷിനുമോന് ആണ് അറസ്റ്റിലായത്.
രണ്ഡു ഷര്ട്ട് ഇട്ടായിരുന്നു പ്രതിയുടെ മുന്നൊരുക്കം. കുടുംബത്തോടൊപ്പം മലപ്പുറത്ത് താമസിച്ചുവരുന്ന ഷിനുമോന് മോഷണത്തിന് നേരത്തെ പദ്ധതി ഇട്ടിരുന്നു. കുടുംബത്തെ കോട്ടക്കുന്നില് ഇറക്കിയ ശേഷം ബൈക്കില് മലപ്പുറം വാറങ്കോട് എത്തി അവിടെ ബൈക്ക് നിര്ത്തിയശേഷം പാടത്ത് ഇറങ്ങി ആരുമില്ലെന്ന് ഉറപ്പുവരുത്തി അതുവഴി വന്ന സ്ത്രീയുടെ മാല പൊട്ടിക്കുകയായിരുന്നു.
മാല പൊട്ടിച്ചശേഷം ബൈക്കില് കയറി രക്ഷപ്പെടാന് ശ്രമിച്ചു. എന്നാല് വെപ്രാളത്തിനിടയില് താക്കോന് പോയത് യുവാവ് അറിഞ്ഞില്ല. അതിനാല് ബൈക്ക് ഉപേക്ഷിച്ച് യുവാവ് പാടത്തുകൂടി ഓടി രഷപ്പെടുകയായിരുന്നു. ഓട്ടത്തിനിടയില് ഇയാള് പുറത്ത് ഇട്ടിരുന്ന ഷര്ട്ട് അഴിച്ചു തോട്ടിലേയ്ക്ക് എറിഞ്ഞുകളഞ്ഞു. പിന്നീട് ഒരു ഓട്ടോ പിടിച്ച് ഇയാള് കുടുംബം കാത്തു നില്ക്കുന്ന കോട്ടക്കുന്നില് എത്തുകയും ചെയ്തു. അവിടെ നിന്ന് തിരിച്ചു പോകും വഴി ബൈക്ക് മോഷണം പോയെന്ന് കുടുംബത്തെയും തെറ്റിദ്ധരിപ്പിച്ച് പോലീസ് സ്റ്റേഷനിലെത്തി വ്യാജ പരാതിയും നല്കി.
അന്വേഷണം തിരിച്ചുവിടാനായിരുന്നു ഇയാള് വ്യാജ പരാതി നല്കിയത്. പിന്നാലെ സ്പെഷല് സ്വകാഡ് നടത്തിയ അന്വേഷണത്തില് യുവാവിനെ തിരിച്ചറിയുകയായിരുന്നു. ചോദ്യം ചെയ്യലില് ഇയാള് കുറ്റം സമ്മതിച്ചു. യുവാവിന്റെ പേരില് മറ്റു കേസുകളുണ്ടോന്ന് പോലീസ് അന്വേഷിച്ച് വരികയാണ്.
