ചൈനീസ് മൊബൈല് നിര്മാതാക്കളായ ടിസിഎല് ബ്ലാക്ബെറി കഴിഞ്ഞ ദിവസമാണ് ആന്ഡ്രോയ്ഡില് പ്രവര്ത്തിക്കുന്ന പുതിയ സ്മാര്ട്ട്ഫോണ് അവതരിപ്പിച്ചത്. ബ്ലാക്ബെറി മോഷന്റെ ഡിസൈന്, കീവണ് സ്മാര്ട്ട്ഫോണിന് സമാനമായാണ്. കഴിഞ്ഞ വര്ഷം കമ്ബനി പുറത്തിറക്കിയ സ്മാര്ട്ട്ഫോണാണ് കീവണ്.
കഴിഞ്ഞ ആഴ്ച ദുബായിയില് നടന്ന ടെക്നോളജി വാകേസിലാണ് ഈ ഫോണ് പുറത്തിറങ്ങിയത്. ആന്ഡ്രോയിഡ് കോണ്ട്റലിന്റെ റിപ്പോര്ട്ടനുസരിച്ച് ബ്ലാക്ബെറി മോഷന്റെ പ്രതീക്ഷിക്കുന്ന വില 460 ഡോളറാണ്.
മിഡ് റേഞ്ച് ഹാന്ഡ്സെറ്റായ ബ്ലാക്ബെറി മോഷനില് ഡ്യുവല് സിം സേവനം ലഭ്യമാണ്. ആന്ഡ്രോയ്ഡ് 7.1.1 നൗഗട്ടാണ് ഒഎസ്. 5.5 ഇഞ്ച് എച്ച്ഡി (720×1280 പിക്സല്) ഡിസ്പ്ലേയ്ക്ക് ഗ്ലാസ് പ്രൊട്ടക്ഷന്, ഫിസിക്കല് ഹോം ബട്ടണ് എന്നിവയുമുണ്ട്. 4ജിബിറാം 32GB ഇന്ബില്റ്റ് സ്റ്റോറേജ്,സ്നാപ്ഡ്രാഗണ് 625 SoC പ്രോസസര്, എന്നിവ പ്രധാന ഫീച്ചറുകളാണ്. മൈക്രോഎസ്ഡി കാര്ഡ് വഴി (2 ടിബി വരെ) മെമ്മറി വിപുലീകരിക്കാനും സൗകര്യമുണ്ട്.
കൂടാതെ, അതിവേഗ ചാര്ജിങ്ങിന് ക്യുക്ക് ചാര്ജ് 3.0 സേവനം ലഭ്യമാണ്. 12 മെഗാപിക്സല് റിയര് ക്യാമറയും (f / 2.0 അപേച്ചര്, ഡ്യുവല് ടോണ് എല്ഇഡി ഫ്ളാഷ് കപ്പാസിറ്റി, 4K വിഡിയോ റെക്കോര്ഡ് ചെയ്യാനുള്ള ശേഷി) ഉണ്ട്. 4000 എംഎഎച്ച് ആണ് യുഎസ്ബി ടൈപ്പ്- C പോര്ട്ടുള്ള ഹാന്ഡ്സെറ്റിന്റെ ബാറ്ററി ലൈഫ്. പക്ഷെ ബാറ്ററി നീക്കം ചെയ്യാന് കഴിയില്ല. ഫ്രണ്ട് ക്യാമറ 8 മെഗാപിക്സലാണ്. മുന് ഭാഗത്ത് ഒരു വിരലടയാള സ്കാനറുണ്ട്.
