349 രൂപയുടെ പ്ലാനില് കൂടുതല് ഡാറ്റാ ഓഫറുമായി എയര്ടെല്. പ്ലാനിനൊപ്പം 500 എംബി ഡാറ്റയാണ് എയര്ടെല് വര്ധിപ്പിച്ചത്. 28 ദിവസം വാലിഡിറ്റിയുള്ള പ്ലാനില് നേരത്തെ ദിവസേന ഒരു ജിബി ഡാറ്റ വീതം ആകെ 28 ജിബി ഡാറ്റയാണ് നല്കിയിരുന്നത്.
പുതുക്കിയ ഓഫര് പ്രകാരം 349 രൂപയ്ക്ക് റീച്ചാര്ജ് ചെയ്യുന്നവര്ക്ക് ദിവസേന 1.5 ജിബി ഡാറ്റ പ്രകാരം ആകെ 42 ജിബി ഡാറ്റ ലഭിക്കും. മൈ എയര്ടെല് ആപ്ലിക്കേഷനില് പുതുക്കിയ ഓഫര് പ്രദര്ശിപ്പിച്ചിട്ടുണ്ട്. ഓഫര് ചുരുങ്ങിയ കാലത്തേക്ക് മാത്രമാണോ എന്ന് എയര്ടെല് വ്യക്തമാക്കിയിട്ടില്ല.
നേരത്തെ 349 രൂപയുടെ പ്ലാനിനൊപ്പം 100 ശതമാനം ക്യാഷ് ബാക്ക് എയര്ടെല് വാഗ്ദാനം ചെയ്തിരുന്നു. ഇപ്പോള് എയര്ടെല് വാലറ്റ് വഴി റീച്ചാര്ജ് ചെയ്യുന്നവര്ക്ക് നിശ്ചിത തുക ക്യാഷ്ബാക്ക് ആയി നല്കുകയും ചെയ്യുന്നു.
