കോന്നി(പത്തനംതിട്ട): ലൈബ്രററിയില്‍ പുസ്തകം തിരയുന്നതിനിടെ കോളോജ് പ്രിന്‍സിപ്പളിനു പാമ്പ് കടിയേറ്റു. എസ്എഎസ് എസ്എന്‍ഡിപി യോഗം കോളേജ് പ്രിന്‍സിപ്പല്‍ കൊല്ലം സ്വദേശി ഡോ.ബിജു പുഷ്പനാണ് പാമ്പ് കടിയേറ്റത്.
കടിച്ച പാമ്പിനെ കുപ്പിയിലാക്കിയാണ് പ്രിന്‍സിപ്പല്‍ ആശുപത്രിയില്‍ ചികിത്സ തേടിയത്. കോളേജ് ലൈബ്രറിയില്‍ പുസ്തകം തിരയുന്നതിടെയാണ് ഷെല്‍ഫില്‍ ഇരുന്ന പാമ്പ് കയ്യില്‍ കടിച്ചത്. ഉടന്‍ തന്നെ പാമ്പിനെ കുപ്പിയിലാക്കുകയും അടൂര്‍ ആശുപത്രിയിലെത്തി ചികിത്സ തേടുകയും ചെയ്തു.
ആശുപത്രിയിലെത്തിയ ഉടനെ പാമ്പിന്റെ ഫോട്ടോ എടുത്ത് വനംവകുപ്പ് അധികൃതര്‍ക്കും, വാവ സുരേഷിനും അയച്ചുകൊടുത്തു. വിഷമില്ലാത്ത കാട്ടുപാമ്പാണെന്ന് തിരിച്ചറിഞ്ഞതോടെ ആശ്വാസമായി. പ്രിന്‍സിപ്പലിനു പ്രഥമശുശ്രൂഷ നല്‍കി നിരീക്ഷണത്തില്‍ കിടത്തുകയും ചെയ്തു.
Comments