യുസി ബ്രൗസര് ഗൂഗിള് പ്ലേസ്റ്റോറില് നിന്നും അപ്രത്യക്ഷമായി. അതേസമയം, യുസി ബ്രൗസര് മിനി ആപ്ലിക്കേഷന് ഇപ്പോഴും പ്ലേസ്റ്റോറില് ലഭ്യമാണ്. ചൈനീസ് ഇന്റര്നെറ്റ് ഭീമനായ ആലിബാബയാണ് യുസി ബ്രൗസറിന്റെ ഉടമ.
ബ്രൗസര് നീക്കം ചെയ്യാനുള്ള യഥാര്ത്ഥകാരണം എന്താണെന്ന് വ്യക്തമല്ല. ഗൂഗിളും യൂസി ബ്രൗസറും ഇത് സംബന്ധിച്ച അറിയിപ്പുകളൊന്നും പുറത്ത് വിട്ടിട്ടില്ല. യുസി ബ്രൗസര് ഉപയോക്താക്കളുടെ വിവരങ്ങള് അനധികൃതമായി ചൈനയിലെ സെര്വറുകളിലേക്ക് കടത്തുന്നുണ്ടെന്ന് ഇന്ത്യന് സര്ക്കാര് അടുത്തിടെ നിരീക്ഷിച്ചിരുന്നു.
ഇന്ത്യയില് ഏറ്റവും കൂടുതല് ഡൗണ്ലോഡ് ചെയ്യപ്പെടുന്ന ആറാമത്തെ ആന്ഡ്രോയിഡ് ആപ്ലിക്കേഷനാണ് യുസി ബ്രൗസര്. യുസി ബ്രൗസറിന് ഒരാഴ്ചമുമ്ബ് 50 കോടി ഡൗണ്ലോഡുകളാണ് ഉണ്ടായിരുന്നത്.
