അങ്ങനെ 119-ാമത്തെ രാജവെമ്പാലയും വാവ സുരേഷിന്റെ കൈയില് മെരുങ്ങി. കൊല്ലം ജില്ലയിലെ കുളത്തൂപ്പുഴയില് നിന്നാണ് ഇന്നലെ വാവ സുരേഷ് രാജവെമ്പാലയെ പിടികൂടിയത്.
ഒരു വീടിനു സമീപം വിറകു കൂട്ടിയിട്ടതിനൊടുവില് കഴിഞ്ഞ ദിവസമാണ് രാജവെമ്പാലയെ കണ്ടെത്തിയത്. അന്നേ ദിവസം തന്നെ വാവ സുരേഷും വനപാലകരും സ്ഥലത്ത് എത്തിയെങ്കിലും പാമ്പിനെ കണ്ടെത്താനായില്ല. തുടര്ന്ന് വീണ്ടും അടുത്ത ദിവസമാണ് പാമ്പ് അവിടെ തന്നെ ഉണ്ട് എന്നറിയിപ്പ് വാവ സുരേഷിനെ തേടിയെത്തുന്നത്. കൂട്ടിയിട്ട വിറകുകള്ക്കിടെയില് നിന്നാണ് രാജവെമ്പാലയെ പിടികൂടിയത്. 14 അടിയോളം നീളമുള്ള ഏകദേശം ഒന്പത് വയസ് പ്രായമായ പെണ് രാജവെമ്പാലയെയാണ് പിടികൂടിയത്.
ഇതുവരെ വാവ സുരേഷ് പിടികൂടിയതില് വെച്ച് 103 മത്തെ രാജനാണ് താരമായത്. 20 കിലോ തൂക്കവും, 18 അടി നീളമുള്ള 14 വയസ് പ്രായമുള്ള രാജവെമ്പാലയെയാണ് അന്ന് പിടികൂടിയത്. പത്തനംതിട്ടയില് കോട്ടമണ്പാറയില് നിന്നാണ് അന്ന് പിടികൂടിയത്. ഏറ്റവും ആളുകള് മരണപ്പെടുന്നത് രാജവെമ്പാലയുടെ കടിയേറ്റാണെന്നും, ഇതിനു പ്രതിവിഷം ലഭ്യമല്ലെന്നും വാവ സുരേഷ് വ്യക്തമാക്കി. രാജവെമ്പാലയുടെ കടിയേറ്റാല് അഞ്ചു മിനിറ്റിനുള്ളില് തന്നെ മരണം സംഭവിക്കുമെന്നും വാവ സുരേഷ് മുന്നറിയിപ്പ് നല്കുന്നുണ്ട്.
