ബീജിങ് : ലോകത്തെ ഞെട്ടിച്ചുകൊണ്ട് ലോകത്ത് എവിടേയ്ക്കും ലക്ഷ്യം വെക്കാവുന്ന ആണവ ബാലിസ്റ്റിക് മിസൈല് ചൈനീസ് സേനയുടെ ഭാഗമാകുന്നു. ശത്രുസേനയുടെ പ്രതിരോധ സംവിധാനത്തിലേയ്ക്ക് നുഴഞ്ഞു കയറാന് സഹായകരമാണ് ഇത്തരം മിശസെലുകളെന്നും വിലയിരുത്തപ്പെടുന്നു. വിക്ഷേപണത്തറയില് നിന്നും ലോകത്തിന്റെ ഏത് ഭാഗത്തേയ്ക്കും ഇത് ഉപയോഗിച്ച് ആക്രമണം നടത്താമെന്ന് ചൈനയുടെ ആയുധ നിയന്ത്രണ അഡൈ്വസര് ഷു ഗ്വാന്ഗ്യു പറഞ്ഞു.
പത്ത് ആണവ പോര്മുനകള് വഹിക്കാനും ഓരോന്നായി തൊടുക്കാനും ഇതിന് സാധിക്കും. നവംബര് ആദ്യം ചൈനയുടെ പടിഞ്ഞാറന് മരുഭൂമിയില് മിസൈലിന്റെ പരീക്ഷണം നടത്തിയിരിക്കാമെന്ന് ദക്ഷിണ ചൈന മോണിങ് പോസ്റ്റ് അറിയിച്ചു. 2016 ഏപ്രിലില് ഇത്തരം മിസൈല് ഉപയോഗിച്ച് ചൈന പരീക്ഷണം നടത്തിയതായി യു.എസ് കണ്ടെത്തിയിരുന്നു.
യു.എസിനെയും യൂറോപ്പിനെയും ലക്ഷ്യമിട്ടാണ് ചൈനയുടെ മിസൈല് പരീക്ഷണം എന്നാണ് റഷ്യന് വിദഗ്ധരുടെ വിലയിരുത്തല്. പരീക്ഷണ, നിരീക്ഷണങ്ങള്ക്ക് ശേഷം പുറത്തിറക്കുന്ന മിസൈല് ചൈനയുടെ ആയുധ ശേഷിക്ക് മുതല്ക്കൂട്ടാകുമെന്നാണ് കരുതുന്നത്.
