ടെഹ്റാന്: ഇംഗ്ളീഷ് പഠിക്കുന്നത് പാശ്ചാത്യസംസ്ക്കാരത്തിന്റെ കടന്നുകയറ്റത്തിന് കാരണമാകുമെന്ന ഇസ്ളാമിക പണ്ഡിതരുടെ മുന്നറിയിപ്പിനെ തുടര്ന്ന് ഇറാന് തങ്ങളുടെ പ്രൈമറി ക്ളാസ്സുകളില് നിന്നും ഇംഗ്ളീഷ് ഭാഷ പഠിപ്പിക്കുന്നത് നിര്ത്തുന്നു. ഇനി മുതല് സര്ക്കാരിന്റെയും സര്ക്കാരിതര സ്വകാര്യ സ്കൂളുകളിലും നടപ്പാക്കിയിരിക്കുന്ന പാഠ്യപദ്ധതിയില് ഇംഗ്ളീഷ് പഠിക്കുന്നതും പഠിപ്പിക്കുന്നതും നിയമ വിരുദ്ധമാണ് എന്ന് ഉന്നത വിദ്യാഭ്യാസ തലവന് മെഹ്ദി നാവിഷ് അധാം വ്യക്തമാക്കി.
പ്രൈമറി വിദ്യാഭ്യാസം ഇറാന്റെ സംസ്ക്കാരം പഠിക്കാനുള്ള താഴേത്തട്ടിലെ പ്രവര്ത്തനങ്ങള്ക്കുളള അവസരമാണ്. ഇംഗ്ളീഷ് പതിവായി പഠിക്കുന്ന പ്രായം 12 നും 14 നും ഇടയിലാണ്. എന്നാല് ചില സ്കൂളുകളില് ഇത് അല്പ്പം നേരത്തേയാകുകയും ചെയ്യും. എന്നാല് ഈ പാഠം ഇറാനിയന് സംസ്ക്കാരത്തിലേക്ക് പാശ്ചാത്യ സംസ്ക്കാരം കടന്നുവരാന് ഇടയാക്കുമെന്ന് ഇറാനിയന് ഇസ്ളാമിക നേതാക്കള് പറയുന്നു. നഴ്സറി സ്കൂളുകളില് ഇംഗ്ളീഷ് പഠിപ്പിക്കുന്നതിനെ 2016 ല് മുതിര്ന്ന നേതാവ് അയിത്തൊള്ള അലി ഖാമേനി എതിര്ത്തിരുന്നു.
സര്ക്കാരിനെതിരേ കഴിഞ്ഞയാഴ്ച വന് പ്രതിഷേധം ടെഹ്റാനില് അരങ്ങേറിയതിന് പിന്നാലെയായിരുന്നു ഈ തീരുമാനവും വന്നിരിക്കുന്നത്. കഴിഞ്ഞയാഴ്ച നടന്ന സര്ക്കാര് വിരുദ്ധ കലാപതത്തില് 22 പേര്ക്കാണ് ജീവന് നഷ്ടമായത്. ആയിര കണക്കിന് പേര്ക്ക് പരിക്കേല്ക്കുകയും ചെയ്തു. പ്രതിഷേധ പ്രകടനങ്ങള് 80 നഗരങ്ങളിലാണ് വ്യാപിച്ചത്. അഴിമതി, തൊഴിലില്ലായ്മ, പണക്കാരും പാവങ്ങളും തമ്മിലുള്ള അന്തരം വലുതാകുന്നതുമെല്ലാമായിരുന്നു പ്രശ്നമായി മാറിയിരുന്നു.
