തൃശ്ശൂര്: അമ്പത്തെട്ടാമത് സംസ്ഥാന സ്കൂള് കലോത്സവത്തില് കോഴിക്കോട് കിരീടം സ്വന്തമാക്കി. 895 പോയിന്റാണ് കോഴിക്കോട് കിരീടം നേടിയത്. 893 പോയിന്റുമായി പാലക്കാടാണ് തൊട്ടുപിന്നില്. ഹയര് അപ്പീലുകള് പരിഗണിച്ച ശേഷമാകും അന്തിമ തീരുമാനം ഉണ്ടാകുക.
875 പോയിന്റ് സ്വന്തമാക്കിയ മലപ്പുറം ജില്ലയാണ് മൂന്നാം സ്ഥാനത്ത്. അവസാന ദിവസം നടന്ന മത്സരങ്ങളില് വിജയം സ്വന്തമാക്കിയ കോഴിക്കോട് ഫോട്ടോ ഫിനിഷിലൂടെയാണ് പാലക്കാടിനെ മറികടന്നത്.
തുടര്ച്ചയായ 12-ാം തവണയാണ് കലാ കേരളത്തിന്റെ കൗമാര കിരീടം കോഴിക്കോട് സ്വന്തമാക്കുന്നത്. 2007-ല് കണ്ണൂര് കലോത്സവത്തില് തുടങ്ങിയതാണ് കോഴിക്കോടിന്റെ ജൈത്രയാത്രയ്ക്ക് തുടക്കം. 2015-ല് പാലക്കാട് ഒപ്പമെത്തിയപ്പോള് ഇരു ജില്ലകളും കിരീടം പങ്കുവെച്ചിട്ടുണ്ട്.
പ്രധാന വേദിയായ നീര്മാതളത്തില് ബുധനാഴ്ച വൈകുന്നേരം നാലിന് പ്രതിപക്ഷനേതാവ് രമേശ് ചെന്നിത്തല സമാപനസമ്മേളനം ഉദ്ഘാടനം ചെയ്യും.മന്ത്രിമാരടക്കമുള്ളവര് ചടങ്ങില് പങ്കെടുക്കും. മൃദംഗമേളവും സംഗീതസായാഹ്നവുമടക്കമുള്ള പരിപാടികളോടെയാണ് ഏഷ്യയിലെ ഏറ്റവും വലിയ കൗമാരമേളയ്ക്ക് കൊടിയിറങ്ങുന്നത്.
