പ്രകാശം: മൂത്രം കലര്ത്തിയ ജ്യൂസ് ഒന്നാം ക്ലാസ് വിദ്യാര്ത്ഥിയെ നിര്ബന്ധിച്ചു കുടിപ്പിച്ച സംഭവത്തില് കായിക അധ്യാപകനെ അറസ്റ്റു ചെയ്തു. ആന്ധ്രാപ്രദേശിലെ പ്രകാശം ജില്ലയിലാണ് സംഭവം. ഒന്നാം ക്ലാസ് വിദ്യാര്ത്ഥിയായ അഞ്ചു വയസ്സുകാരനാണ് കായിക അധ്യാപകന്റെ ക്രൂരതയ്ക്ക് ഇരയായത്.
ചിരാല-പെരാല ടൗണിലെ്എസ്.പിആര് വിദ്യാ കണ്സെപ്റ്റ് സ്കൂളില് ഇക്കഴിഞ്ഞ മൂന്നിനാണ് സംഭവം നടന്നത്. സഹപാഠിയായ ഒരു പെണ്കുട്ടിയുടെ ജ്യൂസ് ബോട്ടിലില് ഒന്നാം ക്ലാസുകാരന് മൂത്രമൊഴിക്കുകയും ജ്യൂസ് കുടിക്കരുതെന്ന് പെണ്കുട്ടിയോട് പറയുകയും ചെയ്തു. ഇതോടെ കരഞ്ഞുകൊണ്ട് പുറത്തേക്ക് ഓടിയ പെണ്കുട്ടി വിവരം കായികാധ്യാപകനായ വിജയകുമാറിനോട് പറഞ്ഞു.
കുട്ടിയെ വിളിപ്പിച്ച വിജയകുമാര് ബോട്ടിലിലുണ്ടായിരുന്ന മൂത്രം കലര്ത്തിയ ജ്യൂസ് മുഴുവന് കുടിക്കാന് കുട്ടിയെ നിര്ബന്ധിച്ചു. കുട്ടി ക്ഷമചോദിച്ചുവെങ്കിലും അധ്യാപകന് അത് ചെവിക്കൊണ്ടില്ല. മുഴുവന് ജ്യൂസും കുട്ടിയെ കൊണ്ട് നിര്ബന്ധിച്ച് കുടിപ്പിച്ചു. സംഭവം കുട്ടി വീട്ടിലെത്തി രക്ഷിതാക്കളോട് പറയുകയും അവര് ഇക്കാര്യം അധ്യാപകനോട് ചോദിക്കുകയും ചെയ്തിരുന്നു. എന്നാല് അവന് ആ ശിക്ഷ അര്ഹിക്കുന്നുവെന്ന മറുപടിയാണ് നല്കിയതെന്ന് പോലീസ് പറഞ്ഞു.
ഇതോടെ അന്ന് വൈകിട്ട് തന്നെ മാതാപിതാക്കള് പോലീസ് സ്റ്റേഷനില് എത്തി പരാതി നല്കുകയായിരുന്നു. തിങ്കളാഴ്ച അധ്യാപകനെ പോലീസ് കസ്ററ്റഡിയില് എടുത്തു് ചോദ്യം ചെയ്യലിനു ശേഷം ജുവനൈല് ജസ്റ്റീസ് നിയമവും ഇന്ത്യന് ശിക്ഷാ നിയമവും പ്രകാരം കേസെടുത്ത് കോടതിയില് ഹാജരാക്കി. കോടതി രണ്ടാഴ്ചത്തേക്ക് അധ്യാപകനെ റിമാന്ഡ് ചെയ്തു.
