മധുര: നടന് കമല്ഹാസന്റെ രാഷ്ര്ടീയ പാര്ട്ടി പ്രഖ്യാപനം ഇന്നു മധുരയില് നടക്കും. വൈകിട്ട് അഞ്ച് മണിക്കാണ് മധുരയിലെ ഒത്തക്കട മൈതാനിയില് താരം ജനങ്ങളെ അഭിസംബോധന ചെയ്യുന്നത്. വിപുലമായ ഒരുക്കങ്ങളാണ് ഒത്തക്കടയില് ഒരുക്കിയിരിക്കുന്നത്.
ഡല്ഹി മുഖ്യമന്ത്രി അരവിന്ദ് കെജ്രിവാള് റാലിയുടെ ഉദ്ഘാടന ചടങ്ങില് പങ്കെടുക്കും. കേരള മുഖ്യമന്ത്രി പിണറായി വിജയന് റാലിയില് സന്ദേശം നല്കും. പാര്ട്ടിയുടെ പേരും ആശയവും റാലിയില് പ്രഖ്യാപിക്കും. തുടര്ന്നു മൈതാനത്തു പാര്ട്ടിയുടെ പതാക ഉയര്ത്തും.
ബംഗാള് മുഖ്യമന്ത്രി മമത ബാനര്ജിയും എത്തിയേക്കും. ഇന്നലെ വൈകിട്ട് അഞ്ചിന് ഒത്തക്കട മൈതാനിയിലെ ഒരുക്കങ്ങള് വിലയിരുത്താനെത്തിയ കമല്ഹാസനു മധുര വിമാനത്താവളത്തില് ആരാധകര് വന് വരവേല്പു നല്കി. ഇതിന് ശേഷം കമലഹാസന് രാമേശ്വരത്തേക്ക് പോയി.
ബുധനാഴ്ച രാവിലെ 7.45നു രാമേശ്വരത്തെ എ.പി.ജെ.അബ്ദുല് കലാം സ്മാരകത്തില്നിന്നാണു കമലിന്റെ പര്യടനം ആരംഭിക്കുന്നത്. തുടര്ന്നു രാമനാഥപുരം, പരമക്കുടി, മാനാമധുര എന്നിവിടങ്ങളിലെ പൊതുയോഗങ്ങള്ക്കു ശേഷമാണു മധുരയിലെ പാര്ട്ടി പ്രഖ്യാപനം.
ദ്രാവിഡ രാഷ്ര്ടീയം ഉയര്ത്തിപ്പിടിച്ചാകും രാഷ്ര്ടീയ പോരാട്ടമെന്നാണ് ലഭിക്കുന്ന സൂചനകള്. അഴിമതിക്കും വര്ഗ്ഗീയതയ്ക്കും എതിരായി നിലപാട് സ്വീകരിക്കുമെന്നാണ് കമല്ഹാസന് നേരത്തേ തന്നെ വ്യക്തമാക്കിയത്.
