ഐന്സ്റ്റീന് ശേഷം ലോകം ദര്ശിച്ച ഏറ്റവും വലിയ ശാസ്ത്രജ്ഞനെന്ന വിശേഷണം കിട്ടിയ സ്റ്റീഫന് ഹോക്കിംഗിനെ പൊട്ടനെന്നും വിഡ്ഡിയെന്നും പ്രഷര്കുക്കര് കണ്ടു പിടിച്ച ശാസ്ത്രജ്ഞനെന്നും അധിക്ഷേപിച്ച് റൈറ്റ് തിങ്കേഴ്സ് ഗ്രൂപ്പ്. ശാസ്ത്രലോകത്തിന് വലിയ സംഭാവനകള് നല്കിയ ശാസ്ത്രജ്ഞന്റെ മരണം നിരീശ്വരവാദി എന്ന ഒറ്റക്കാരണത്താല് ഇസ്ളാമിസ്റ്റുകള് ആഘോഷിക്കുകയാണ്. മിക്കതും വര്ഗ്ഗീയതയില് മുക്കിയ ആക്ഷേപങ്ങളാണ്.
ഭൂലോക വിഡ്ഡിയായ നിരീശ്വരവാദിയും ബ്രിട്ടീഷുകാരന് ചത്തുപോയെന്നും പ്രഷര്കുക്കര് കണ്ടുപിടിച്ച മഹാനായ ശാസ്ത്രജ്ഞന് വിടപറഞ്ഞെന്നും ചത്തു കഴിഞ്ഞപ്പോള് സ്റ്റീഫന് ഹോക്കിംഗിന് കാര്യങ്ങള് മനസ്സിലായി കാണുമെന്നുമാണ് ആക്ഷേപം. ബുദ്ധി വെച്ചു നോക്കുമ്പോള് ഒരു പക്ഷേ അവസാന സമയത്തിന് തൊട്ടു മുമ്പ് തന്നെ ഇസ്ളാമതം സ്വീകരിച്ചിരിക്കാനാണ് സാധ്യതയെന്നും പറയുന്നു. ഇപ്പോള് ദൈവം ഉണ്ടെന്നും സ്വര്ഗ്ഗ-നരകങ്ങള് ഉണ്ടെന്നും ഹോക്കിംഗിന് ബോദ്ധ്യപ്പെട്ടു കാണുമായിരിക്കാമെന്നും ആക്ഷേപിച്ച് വിടപറഞ്ഞിട്ടും അദ്ദേഹത്തെ വിടുന്നില്ല.
മറ്റൊരാളുടെ ആക്ഷേപം ശാസ്ത്രത്തില് മുറുകെപിടിക്കുന്ന നിരീശ്വരന്മാര് അല്ലാഹുവിന് മുന്നില് വീണ്ടും തോറ്റെന്നും ലോകാവസാനം വരെ ഇത്തരം തോല്വികള് അവരെ പിന്തുടര്ന്നു കൊണ്ടിരിക്കുമെന്നും പറയുന്നു. മരണത്തെ അതിജീവിക്കാന് പ്രാപ്തി കൈവരുന്നത് വരെ ഇത്തരക്കാര് തോല്വി തന്നെയാണെന്നും സത്യവിശ്വാസികള് മാത്രമേ ഇരുലോകത്തും വിജയിക്കുക ഉള്ളെന്നും പറയുന്നു. അതേസമയം പോസ്റ്റുകള്ക്ക് എതിരേ ശാസ്ത്രജ്ഞനെ അനുകൂലിച്ച് അനേകര് രംഗത്ത് വരികയും ചെയ്തിട്ടുണ്ട്.
വര്ഗ്ഗീയത കത്തിക്കുന്ന പോസ്റ്റുകള് പരിശോധനയോ സെന്സറിംഗോ ഇല്ലാതെ ഇടുന്നതിന് ഗ്രൂപ്പ് അഡ്മിനുകള്ക്കെതിരേയാണ് പ്രധാന വിമര്ശനം. മതഗ്രന്ഥത്തിന് അനുയോജ്യമായ രീതിയില് സ്വര്ഗ്ഗനരക സങ്കല്പ്പങ്ങളെ അംഗീകരിക്കാത്തതിനും പ്രപഞ്ച ഉല്പ്പത്തിയെക്കുറിച്ചും ശക്തികളെക്കുറിച്ചും വ്യാഖ്യാനിക്കാത്തതിന്റെ ഇഷ്ടക്കേട് ഈ രീതിയില് തീര്ക്കരുതെന്ന് മതമൗലീകവാദികളോട് ആള്ക്കാര് പ്രതികരിച്ചു. എത്ര നല്ലവനായാലും സ്വന്തം മതത്തില്പ്പെട്ടവരല്ലെങ്കില് ഹീനമായ രീതിയില് ആക്രമിക്കുന്നതാണ് ഇസ്ളാമികള് മുന്നോട്ട് വെയ്ക്കുന്ന ധാര്മ്മികത എന്നാണ് ഒരാള് വിമര്ശിച്ചത്.
