ന്യൂഡല്ഹി: നിര്ഭയയുടെ അമ്മയ്ക്കെതിരായ പരാമര്ശത്തില് ഉറച്ചു നില്ക്കുന്നുവെന്ന് കര്ണാടക മുന് ഡി.ജി.പി സംഗലിംഗ. തന്റെ പ്രസ്താവന വല്യ വിവാദമാക്കേണ്ട കാര്യമില്ലെന്ന് സംഗലിംഗ പറഞ്ഞു. എന്റെ പ്രസ്താവന അതിരുവിട്ടിട്ടില്ലെന്നാണ് ഞാന് കരുതുന്നത്. ആളുകള് ഇല്ലാത്ത പ്രശ്നത്തില് വിവാദമുണ്ടാക്കുകയാണ്. സ്ത്രീ സുരക്ഷയെക്കുറിച്ച് ഊന്നിപ്പറയുന്നതിനാണ് ഞാന് അപ്രകാരം പറഞ്ഞത്. അവര്ക്ക് എല്ലായ്പ്പോഴും സംരക്ഷണം നല്കണമെന്നും സംഗലിംഗ പറഞ്ഞു.
നിര്ഭയയുടെ അമ്മയെക്കുറിച്ചായിരുന്നു സംഗലിംഗയുടെ വിവാദ പ്രസ്താവന. നിര്ഭയുടെ അമ്മയ്ക്ക് ഇത്ര ആകാര വടിവുണ്ടെങ്കില് മകളുടെ സൗന്ദര്യം ഊഹിക്കാവല്ലോ എന്നായിരുന്നു പ്രസ്താവന. നിര്ഭയയുടെ അമ്മ ആശാദേവി ഉള്പ്പെടെയുള്ള സ്ത്രീകളെ ആദരിക്കാന് സംഘടിപ്പിച്ച ചടങ്ങിലാണ് ഡിജിപി ഇത്തരമൊരു പരാമര്ശം നടത്തിയത്.
I consider my statement to be totally within the limit and I feel people are making an issue out of a non-issue: HT Sangliana, former Karnataka DGP on his states that 2012 Delhi rape victim's mother had 'good physique' pic.twitter.com/As6SqNR3jP
— ANI (@ANI) March 16, 2018
ബലാത്സംഗത്തെ എതിര്ക്കാതിരുന്നാല് ജീവന് രക്ഷിക്കാം എന്നും സംഗലിംഗ പറഞ്ഞിരുന്നു. നിങ്ങള് കീഴടക്കപ്പെട്ടാല് കീഴടങ്ങിക്കൊടുക്കണം. കേസൊക്കെ പിന്നീട് നോക്കാം. കീഴടങ്ങിക്കൊടുത്താല് ജീവന് രക്ഷിക്കാന് കഴിയുകയും കൊല്ലപ്പെടുന്നത് തടയുകയും ചെയ്യും' എന്നായിരുന്നു അദ്ദേഹത്തിന്റെ പരാമര്ശം.
