ലണ്ടന്: നിലാവിന്റെ വെളിച്ചത്തില് തിളങ്ങി നിന്നതല്ല, മിന്നാമിനുങ്ങിന്റെ വെളിച്ചത്തില് സ്വര്ണ്ണത്തിളക്കം സമ്മാനിക്കുന്ന ചിതല്പ്പുറ്റ്, ആ മായാവെളിച്ചത്തിലേക്ക് അടുത്തു നില്ക്കുന്ന ഒരു വന്യജീവി. ഒറജിനല് വെല്ലുന്ന പത്തരമാറ്റ് വ്യാജന്. വന്യജീവി ഫോട്ടോഗ്രാഫര്ക്കായി ബ്രിട്ടന് കഴിഞ്ഞവര്ഷം നടത്തിയ മത്സരത്തില് ഒന്നാം സമ്മാനം നേടിയ ചിത്രമായിരുന്നു ദ് നൈറ്റ് റൈഡര്.
ദ് നൈറ്റ് റൈഡര് വ്യാജമാണെന്ന് കണ്ടെത്തിയതോടെ ചിത്രത്തിനു നല്കിയ ഒന്നാം സമ്മാനം അധികൃതര് തിരിച്ചെടുക്കുകയായിരുന്നു. ലണ്ടനിലെ നാച്വറല് ഹിസ്റ്ററി മ്യൂസിയം സംഘടിപ്പിച്ച പരിപാടിയിലാണ് ബ്രസീലിലെ ഇമാസ് ദേശീയോദ്യാനത്തില് നിന്ന് പകര്ത്തിയ ചിത്രം ഒന്നാം സമ്മാനം നേടിയത്. ഈ ചിത്രം ദേശീയോദ്യാനത്തിലെ സന്ദര്ശകര്ക്കായി കൃത്രിമമായി നിര്മ്മിച്ചതായിരുന്നു.
