ന്യൂഡല്ഹി : തെരഞ്ഞെടുക്കപ്പെട്ട 11 പേര്ക്കു മാത്രേേ രാഷ്ട്രപതി നേരിട്ട് ദേശീയ പുരസ്കാരം സമ്മാനിക്കൂ എന്ന തീരുമാനത്തിനെതിരെ കേരളത്തില് നിന്നുള്ള അവാര്ഡ് ജേതാക്കള് നടത്തുന്ന പ്രതിഷേധം ശക്തമാകുന്നു. പുരസ്കാര ദാനത്തിന് മണിക്കൂറുകള് മാത്രം ശേഷിക്കൂമ്പോഴും ഭൂരിഭാഗം പേരും തീരുമാനത്തില് ഉറച്ചു നില്ക്കുന്നതിനിടെ ഗായകന് യേശുദാസും സംവിധായകന് ജയരാജും അവാര്ഡ്ദാന ചടങ്ങില് പങ്കെടുക്കുമെന്ന് അറിയിച്ച് രംഗത്തെത്തിയത് പ്രതിഷേധത്തില് കല്ലുകടിയായിട്ടുണ്ട്.
ചടങ്ങ് ബഹിഷ്കരിക്കുമെന്ന് ബോധിപ്പിച്ചുകൊണ്ടുള്ള പരാതി ദാസേട്ടനെ വായിച്ചു കേള്പ്പിച്ചതാണെന്നും അതിനു ശേഷമാണ് അദ്ദേഹം ഒപ്പിട്ടതെന്നും ഇപ്പോഴെന്താണ് ഇങ്ങനെ ഒരു മാറ്റമെന്ന് അറിയില്ലെന്നും ഡബ്ബിങ് ആര്ട്ടിസ്റ്റ് ഭാഗ്യലക്ഷ്മി പ്രതികരിച്ചു. നാലു മണിക്ക് ഒരു ചര്ച്ച കൂടി വിളിച്ചു ചേര്ത്തിട്ടുണ്ടെന്നും അവര് പറഞ്ഞു.
