കോഴിക്കോട്: പോലീസ് അസോസിയേഷനെ പിന്തുണച്ച് മുഖ്യമന്ത്രി പിണറായി വിജയന്. പോലീസില് രക്തസാക്ഷി അനുസ്മരണം നേരത്തെയുള്ളതാണെന്നും വിവാദങ്ങളില് കഴമ്പില്ലെന്നും മുഖ്യമന്ത്രി വ്യക്തമാക്കി. രക്തസാക്ഷികളെ അനുസ്മരിച്ചത് ഏതോ വലിയ അപരാധമായാണ് പറയുന്നത്. ഇത് തുടക്കം മുതലേയുള്ള കാര്യമാണ്. മറ്റിടങ്ങളില് മരിച്ച പോലീസുകാരെയാണ് അനുസ്മരിച്ചത്. ചിലര്ക്ക് ചുവപ്പ് കണ്ടാല് വിഷമമാണെന്നും മുഖ്യമന്ത്രി പറഞ്ഞു.
പോലീസിലെ സംഘടനാ പ്രവര്ത്തനം അച്ചടക്കത്തിന് മാറ്റുകൂട്ടുക മാത്രമേ ചെയ്യുകയുള്ളൂ. അസോസിയേഷന് പ്രവര്ത്തനം വേണ്ടന്ന വാദത്തിന് ബലം നല്കാനുള്ള നീക്കമാണ് വിവാദങ്ങള്ക്ക് പിന്നില്. പോലീസ് അസോസിയേഷനും പോലീസും തമ്മിലുള്ള വ്യത്യാസം അറിയാത്തവരാണ് ഇതിന് പിന്നിലെന്നും മുഖ്യമന്ത്രി കൂട്ടിച്ചേര്ത്തു.
ജോലിക്കിടെ മരിച്ച പോലീസുകാര്ക്ക് അസോസിയേഷന് സമ്മേളനങ്ങളില് രക്തസാക്ഷി അനുസ്ണമരണം സംഘടിപ്പിച്ചിരുന്നു. ഇതാണ് വിവാദമായത്. വിവിധ ജില്ലകളില് നടന്ന സമ്മേളനങ്ങളില് രക്രസാക്ഷി മണ്ഡപങ്ങള് സ്ഥാപിക്കുകയും പുഷ്പാര്ച്ചന നടത്തുകയും ചെയ്തു. പോലീസില് രാഷ്ട്രീയ സ്വാധീനം വര്ധിക്കുന്നുവെന്ന് ചൂണ്ടിക്കാട്ടി ഇന്റലിജന്സ് മേധാവി ടി.കെ വിംനാദ് കുമാര് ഡി.ജി.പി ലോക്നാഥ് ബെഹ്റയ്ക്ക് റിപ്പോര്ട്ട് നല്കുകയും ചെയ്തിരുന്നു.
പോലീസുകാരുടെ രാഷ്ട്രീയ ആഭിമുഖ്യം ജോലിയെ സ്വാധീനിച്ചാല് സേനയുടെ അച്ചടക്കവും വിശ്വാസ്യതയും തകരുമെന്നും റിപ്പോര്ട്ടില് പരാമര്ശമുണ്ട്. റിപ്പോര്ട്ടിന്റെ അടിസ്ഥാനത്തില് ഡി.ജി.പി ലോക്നാഥ് ബെഹ്റ അസോസിയേഷന് നേതൃത്വത്തിന് നോട്ടീസ് അയച്ചിരുന്നു. എന്തെങ്കിലും ചട്ടലംഘനം നടന്നിട്ടുണ്ടെങ്കില് വിശദീകരണം നല്കണമെന്ന് ആവശ്യപ്പെട്ടാണ് നോട്ടീസ് നല്കിയത്.
